أعراض الفتق عند الأطفال البنات

الفتق عند الأطفال البنات بنعتبره من الإختلافات الخلقيه اللى ممكن تيجى للبنات لما يتولدوا، لكن انواع الفتق اللى بتيجى للبنات بتختلف على حسب السبب
و علشان نفهم أكتر تعالوا نعرف ايه انواع الفتق اللى ممكن تيجى للأطفال

1- الفتق الإربى :

ده بيكون عباره عن ورم شبه البالونه او الكلكيعه، بيكون موجود فى المنطقه الإربيه،  والمنطقه الإربيه دى مكانها بيكون أعلى الفخد و اسفل البطن
و الفتق الإربى ده عاده بيحصل على الناحيه اليمين من القناه الإربيه و نسبه قليله اوى اللى بيحصلها فتق إربى على الناحيتين
و الفتق الإربى فى البنات بيكون عباره عن ان :
القناه الإربيه بتفضل مفتوحه اكتر من 4 مم و بينزل فيها حاجه من الأتنين: 

• ممكن ينزل جزء من الأمعاء
• ممكن ينزل فيها المبيض

وظيفه القناه الإربيه فى البنات: بتوصل الشفرات الخارجيه للمهبل عن طريق حاجه اسمها رباط الرحم المستدير
و لو فتحه القناه الإربيه كانت كبيره ممكن ينزل فيها قناه فالوب و المبيض و جزء من الرحم
و تعالوا نعرف أكتر عن  الفتق الاربي عند الاطفال  فى الفيديو ده :

2- الفتق السرى

و ده بيكون عياره عن ورم شبه البالونه او الكولكيعه بيكون موجود على السره
و الفتق السرى بيحصل بسبب :

1. بسبب ضعف عضلات البطن، لأن البطن بتتكون من جلد و عضلات و تجويف فا الطفل لما بيتولد و حاجه من الحاجات دى نموها مش مكتمل، بيظهر جزء من الأمعاء على شكل ورم او انتفاخ فى السره
2. و حاجه كمان ممكن تسبب الفتق السرى للأطفال : و هى ان فى فتره الحمل الحبل السرى اللى بيغذى الطفل و هو جنين فى بطن الأم بيمر من خلال فتحه صغيره فى عضلات بطن الجنين و الفتحه دى المفروض تقفل تلقائيا بعد الولاده لو مقفلتش بيحصل للطفل فتق سرى

و تعالوا نسمع و نعرف أكتر عن الفتق السرى فى الفيديو ده :

و بعد ماعرفنا ايه انواع الفتق اللى بتيجى للبنات
تعالوا نعرف مع بعض أعراض الفتق عند الأطفال البنات :

1- أعراض​ الفتق الإربى عند البنات :

• اول حاجه و اكتر حاجه ملحوظه اننا هنلاقى فى ورم شبه الكولكيعه كده فى المنطقه الإربيه ( اللى بين البطن و الفخد)
• هنلاقى الطفل بيعيط بصوره مستمره
• و هنلاقى الطفل بيرجع بصوره مستمره
• و ممكن نلاقى تركيز الطفل مع الأم قليل جدا

2- أعراض الفتق السرى عند البنات :

• هنلاقى اكتر حاجه بارزه هى وجود ورم شبه البالونه على السره
• تانى حاجه هنلاحظ ان حجم الورم ده بيزيد لما الطفل يكح او يعطس او يحذق
• و ان الدكتور لما بيفحص البنت و يلاقى الورم ده بيدخل لجوه ساعتها نتأكد ان ده فتق سرى

و تعالوا نسمع اكتر عن أعراض الفتق الإربى فى الفيديو ده :

و بعد كا عرفنا ايه أعراض الفتق عند الأطفال البنات ، تعالوا نعرف مع بعض

متى يكون الفتق خطيرًا عند الأطفال البنات؟

1- بالنسبه للفتق الإربى :

الفتق الإربى من الإختلافات الخلقيه اللى بتأثر على صحه الطفله
وعلشان كده دايما لما بنشخص البنت ان عندها فتق إربى، بنقول للأهل يفضل اننا نعمل عملية الفتق للاطفال فى أقرب وقت قبل ما الفتق ده يحصله حاجه اسمها إختناق
و الإختناق ده ببساطه عباره عن ان الأمعاء بتتحشر فى القناه و مبتقدرش ترجع للبطن مره تانيه
و للأسف ده ممكن يسبب غرغرينا للطفل سواء كان بنت او ولد
لكن لو الفتق حصله إختناق عند البنات :

• كيس الفتق عند البنات ممكن يكون جواه أمعاء ، او مبيض ، لأن المبيض هو أقرب حاجه للقناه الإربيه
• و برضوا المبيض لو حصله إختناق و مبقاش واصله دم ، دة هيسبب ضمور للمبيض و ده هيأثر على القدره الإنجابيه للبنت لما تكبر، لأن المبيض هو المسئول عن إنتاج البويضات اللى بتتخصب فى عنق الرحم

2- بالنسبه للفتق السرى :

• الفتق السرى مفيش منه خطوره إلا فى حالات نادره اوى، لأنه بيختفى و يخف بمجرد م الطفل عمره يكبر
• لأن الأجزاء اللى نموها مكانش مكتمل بتبدأ تنمو و بالتالى الفتق السرى بيبدأ يختفى بالتدريج

و بعد ماعرفنا امتى بيكون الفتق خطر على البنات، تعالوا نعرف :

هل يمكن علاج الفتق عند الأطفال البنات بدون جراحة؟

1- بالنسبه للفتق الإربى :

العلاج الأول و الوحيد للفتق الإربى هو عمليه جراحيه، و لازم نعملها فى اسرع وقت قبل مالفتق يحصله إختناق لاقدر الله

2- بالنسبه للفتق السرى :

الفتق السرى مش بنحتاج نعمله اى عمليات لأنه بيروح لوحده بنسبه كبيره كل مالطفل عمره يكبر
و لو الطفل عمره عدى 3-4سنين ساعتها بنعمل للفتق السرى عمليه بسيطه مفيش منها اى خطوره على الطفل 

ودلوقتى هنقول، نصائح للتعامل مع ​​أعراض الفتق عند الأطفال البنات:

• اول حاجه لازم لو لاحظنا اى عرض من الأعراض اللى قولنا عليها ، لازم ناخد الطفل و نفحصه عند جراح أطفال متخصص
• تانى حاجه بلاش ناخد إجراءات مع الطفل من غير مانرجع لجراح أطفال متخصص لأننا كده ممكن نكون بنأذى الطفل من غير مانقصد

متى يجب زيارة دكتور جراحة اطفال فورًا؟

لو لاحظنا اى عرض من الأعراض اللى قولنا عليه ، لازم نلجأ لجراح أطفال فورا
لأن أطفالنا أغلى هديه من ربنا لينا و لازم نحافظ عليها
احجزي دلوقتي كشف علشان تفحصي طفلك مع الدكتور محمد علام استشاري جراحات الأطفال وحديثي الولادة، تقدرى تتواصلي معانا بكل سهولة عبر الواتساب أو من خلال ملئ فورم التواصل على الموقع.
ربنا يحمى و يحفظ كل أطفالكوا