دعنا نساعدك!
المهندسين , زهراء المعادي
مصر الجديدة
مزيد حول طرق التواصل!
عمليه الفتق الإربى عند الاطفال والرضع
طبيعى أي ام تحس بالقلق والخوف علي طفلها لما يكون داخل يعمل عمليه زي عملية الفتق الاربي , بس نحب نطمنك ان العملية سهله وبسيطة طالما اتعملت مع دكتور متخصص في جراحة الاطفال
وطبعا مقدرين قلقك ان طفلك لسه صغير وهيتخدر كمان , ف حابين نطمنك ان تخدير الأطفال بيكون مع دكتور متخصص فى تخدير الأطفال , و مش بس كده دكتور التخدير بيفضل موجود مع الطفل علشان يطمن على مؤشراته الحيويه انها كويسه طول فتره العمليه
وتعالي نطمنك اكتر في الفيديو دا ونقولك علي تفاصيل اكتر عن عمليه الفتق الاربي :
طيب العمليه هتاخد وقت قد ايه ؟
عمليه الفتق الإربى بتاخد حوالى نص ساعه من اول م ندى البنج للطفل, لحد م يفوق و يكون كويس و بعد ساعه تقدروا تاخدوا طفلكوا و تروحوا بيه بالسلامه
بس اهم حاجه ان العملية تكون مع متخصص في جراحة الأطفال مش اي تخصص تاني ودا عشان تضمني نجاح العملية بنسبه كبيره جدا بعكس لو اتعملت مع غير متخصص مكن يحصل مضاعفات زي :
- انه ممكن يقطع الحبل المنوي وهو بيشيل الفتق الاربي ويسبب مشكله في الانجاب للطفل
- ممكن ميشلش كيس الفتق كله والفتق يرجع تاني لطفلك
طيب ايه هى الحاجات اللى لازم نخلى بالنا منها بعد العمليه؟
- اول و اهم حاجه لازم اننا منجبش اى مياه على الجرح بعد العمليه
- تانى حاجه ,لازم الطفل يشرب سوايل كتير بعد العمليه
- لازم نهتم اننا نغير على الجرح بصوره مستمره بعد العمليه
و اخر سؤال بيشغل بالكوا , هى تكلفه العمليه بتكون كام؟
و فى الحقيقه سعر العمليه بيتحدد على اساس على حاجات كتير منها:
- المكان اللى الطفل هيعمل فيه العمليه هل هو مكان مجهز وفيه كل الامكانيات ولا لا
- والعملية هتتعمل بالمنظار ولا بالجراحة ودا علي حسب نوع الفتق وحالته عند طفلك
- والطفل هيحتاج بعد العمليه يفضل في المستشفي شويه ولا هيروح علطول
كل دى عوامل بتحدد سعر عمليه الفتق الإربى