امتى متطاهريش طفلك بجهاز الجومكو

أول حاجه بتشغل بال أى أب و أم لما ربنا يرزقهم بطفل ولد ، هى هيطاهروه فين ، و خصوصا انهم بقوا يسمعوا ان فى أجهزه جديده دلوقتى مش بتسبب أى الم للطفل وقت الطهاره
بس قبل منتكلم عن الأجهزه اللى ممكن نطاهر بيها البيبى ، تعالوا نفتكر بسرعه الطهارة دى كانت عباره عن ايه :

الطهاره عباره عن : اننا بنشيل الجلده الزياده اللى بتكون موجوده حوالين العضو الذكرى للطفل ، علشان تسهل على الطفل نظافه العضو الذكرى ، و ميتراكمش تحتها بكتيريا تسبب إلتهابات للطفل

طيب بعد ماعرفنا ايه هى الطهاره و ليه بنعملها ،تعالوا نعرف:

ايه أحسن أداه نقدر نطاهر بيها الطفل ؟

أحسن أداه نقدر نطاهر بيها الطفل هو جهاز اسمه جهاز الجومكو

طيب ليه بنقول ان جهاز الجومكو أحسن جهاز نقدر نطاهر بيه الطفل ؟

لأن جهاز الجومكو بيتكون من جزئين :

• اول جزء بيكون عباره عن قمع ، وظيفته انه يحمى رأس العضو الذكرى ، و القطعه دى بتكون موجوده بمقاسات مختلفه علشان تناسب حجم العضو الذكرى لكل طفل
• و تانى قطعه بتساعدنا اننا نثبت العضو الذكرى ، علشان نقدر نحدد طول الجلد اللى هنقصه بالظبط

طيب بعد ما عرفنا جهاز الجومكو بيتكون من ايه ،

ايه هى المميزات اللى فى جهاز الجومكو اللى تخلينى أطاهر طفلى بيه؟

• جهاز الجومكو بيخلينا نقدر نقص الجلد بشكل متساوى ، و ده بيدى شكل جمالى للعضو الذكرى بتاع الطفل ، و بيزود ثقه الطفل فى نفسه لما يكبر
• و طبعا جهاز الجومكو مش بيسبب أى جرح او نزيف للأطفال ، علشان كده بنسميه إختيار الجراحين الأول

تخيلوا بقى ان بعد كل المميزات اللى موجوده فى جهاز الجومكو دى ، فى حالات لو شوفتيها ، انا بقولك متطاهريش الطفل بجهاز الجومكو:

• اول حاله لو لقيتى جهاز الجومكو موجود بره كيس التعقيم ، فى الحاله دى اوعى تطاهرى طفلك
• تانى حاجه لو لقتيها اوعى تطاهرى طفلك، و هى ، لو لقيتى جهاز الجومكو اللى موجود فى كيس التعقيم ، العلامه اللى علي الكيس لونها أحمر ، لأن فى الحاله دى جهاز الجومكو هيكون محطوط فى الكيس بس و بنسبه كبيره متعقمش او هيكون اتعقم تعقيم مش كامل

و تعالوا نعرف أكتر عن مميزات جهاز الجومكو فى الفيديو ده :

طيب امتى لو شفت جهاز الجومكو أطاهر ابنى فورا من غير قلق؟

لو لقيتى جهاز الجومكو محطوط فى كيس التعقيم و الشريطه اللى موجوده على جهاز التعقيم لونها اسود ، ساعتها اقولك تقدرى تطاهرى طفلى و انتى مطمنه

طيب ليه بنقول ان التعقيم مهم ؟

لأن الطفل داخل يعمل عمليه بسيطه متاخدش اكتر من 10 دقايق و يخرج منها بالسلامه
يبقى ليه يستخدم جهاز مش معقم ممكن ينقله أى مرض نفضل نعالج فيه مده طويله؟؟

علشان كده بنقول ان مفيش أغلى من صحه أطفالنا علشان نحافظ عليها ، و لازم نتأكد ان أداه جراحيه هتستخدم لطفلنا ، لازم نتأكد انها تكون معقمه
ربنا يحمى و يحفظ كل أطفالكوا