ايه هو تضخم القولون عند الأطفال وحديثي الولادة؟

تضخم القولون ده ممكن يكون بسبب حاله جراحيه اسمها مرض هيرشسبرنج (Hirschsprung's disease)، وده معناه إن فيه جزء من القولون (الأمعاء الغليظة) مفيهوش أعصاب، وعلشان كده مش بيقدر يشتغل صح
و نتجه ده البراز بيتراكم، والقولون بيبدأ ينتفخ ويتضخم، وده بيعمل مشاكل في الهضم والإخراج.

• الطفل معملش حمام براز في أول 24 لـ 48 ساعه.
• انتفاخ شديد في البطن.
• ترجيع مستمر، ممكن يكون لونه أخضر أو فيه صفرا.
• عدم الرضاعة كويس أو خمول.

و اغلب الأعراض دى ممكن نلاحظها فى اول 72 ساعه بعد الولاده

• إمساك مستمر.
• بطنه دايمًا منفوخه.
• فقدان في الوزن أو النمو البطيء.
• ممكن يحصل إسهال مفاجئ فيه مخاط أو دم وده بيبقى خطير وساعات مؤشر لعدوى في القولون

• ان الطفل ممكن يكون عنده حاجه اسمها إمساك وظيفى غير معلوم السبب ، و ده مش بيظهر بعد الولاده على طول ممكن يظهر بعد 6 شهور او سنه او سنتين من الولاده
• بيحصل لما الأعصاب اللي بتحرك القولون مبتكونش اتكونت بالكامل أثناء الحمل.
• او لو فى خمول فى القولون
• و لو الإمساك ده لقيناه ظاهر عند الطفل من ساعه الولاده هيكون بسبب مرض هيرشسبرنج

تضخم القولون مش حاجه بسيطة، ولو اتأخرنا في علاجه، ممكن يحصل:

• انسداد معوي.
• احتمال إصابه القولون بعدوى خطيرة
• الترجيع المستمر
• مشاكل مستمرة في الإخراج. ( ان الطفل يعمل حمام براز )

العلاج الأساسي بيكون جراحي، وبيتم على مراحل:
· لو التضخم سببه مرض هيرشسبرينج أو شلل أو انسداد خلقي في القولون:
ده بيتعالج برضه بجراحة، لكن من نوع تاني. بيتم فيها استئصال الجزء اللي مفيهوش ضفائر أو عقد عصبية، وكمان أي جزء من القولون حصل فيه تلف عضلي بسبب التضخم.
بعد كده، بيرجعوا يوصلوا الأجزاء السليمة ببعض، علشان الجهاز الهضمي يرجع يشتغل طبيعي.

أيوه للأسف:

• ممكن يحصل تسمم في الدم بسبب البكتيريا اللي بتتراكم في القولون.
• الطفل ممكن يدخل في جفاف شديد أو هبوط في الضغط بسبب الإسهال أو القئ.
• مضاعفات طويلة الأمد زي مشاكل في التحكم في البراز.

الحالة دي مش بتحتاج عملية في الأغلب. بتتعالج بالأدوية، وتغيير في نمط الأكل والسلوك.
و ده غالبا بيكو مع دكتور الأطفال او دكتور الجهاز الهضمى
بس لو الحالة اتأخرت واتسابت من غير علاج، ممكن يحصل مضاعفات، وساعتها ممكن تحتاج تدخل جراحي.

• في الحالة دي، الحل غالبًا بيكون جراحي، وبيتم من خلال عملية لتوسيع فتحة الشرج أو إزالة أي انسداد فيها.
• الهدف من العملية هو التأكد إن مسار الإخراج شغّال بشكل طبيعي، يعني يكون فيه اتصال مظبوط بين القولون، والمستقيم، وفتحة الشرج.

علشان كده دايما بننصح الأهل يراقبوا الطفل اول 72 ساعه و لو لاحظوا ان الطفل مش بيعمل حمام بصوره طبيعيه
لازم يفحصوا الطفل عند جراح اطفال متخصص علشان يقولنا ايه أفضل إجراء ناخده مع الطفل

ربنا يحمى و يحفظ كل أطفالكوا