إيه هو الكيس الدرقي عند الأطفال و حديثى الولاده

الكيس الدرقي (أو الكيس الدرقي اللساني ) هو كيس صغير بيتكون تحت الجلد في رقبة الطفل على شكل كولكيعه، وغالبًا بيظهر في النص، تحت الدقن بشوية أو في نص الرقبة.

الكيس ده بيتكون من بقايا حاجه اسمها الكيس الخيشومى و ده بيكون موجود عند الجنين وهو لسه في بطن الأم وبعد الولادة المفروض الجسم يمتص الكيس ده ويختفي، لكن في بعض الحالات بتفضل موجودة وبتتكوّن على شكل كيس. 

عادة بيظهر الكيس في العضم اللامى و بالتحديد:

• نص الرقبة، تحت الدقن على طول
• ساعات بيكون نازل شوية لحد النص بين الدقن وعظمة القصبة
• وبيبقى طري كده، عامل زي كتلة صغيرة تحت الجلد

في الشهر التالت اثناء الحمل بتبدأ تتكون عند الجنين حاجه اسمها الغدة الدرقية و دى بتكون ورا اللسان ،
وقبل ولادة الجنين بفترة بسيطة بتبدأ تنزل الغدة الدرقية في قناة اسمها القناة اللعابية عشان تستقر في مكانها ، واللي هو في آخر الرقبة

، والطبيعي ان بعد نزول الغدة الدرقية في القناة اللعابية تبدأ تختفي القناة اللعابية ويحصلها ضمور ، ولكن في بعض الاحيان مش بتختفي القناة اللعابية وبتفضل موجوده ، وهنا وجودها هيعمل جيوب واكياس ، ومع الوقت الجيوب و الاكياس دي هتتملى بالمخاط والسوايل وهيتكون كيس ليفي فيه بعض الخلايا الباقية من تكوين الغدة الدرقية ويتكون عندنا الكيس الدرقي اللساني. 

فيه شوية علامات لو ظهرت على الطفل ممكن تخليكي تشكي ان عنده كيس درقى :

• تلاقي ورم صغير ناعم في الرقبه (في النص بالظبط غالبًا
• لما الطفل يبلع أو يطلّع لسانه، الكولكيعه دي بتتحرك لفوق
• ممكن تحمّر أو تلتهب لو دخلها ميكروب
• ساعات بيبقى فيها ألم بسيط لو التهبت
• وفي الغالب الكيس مش بيأثر على النفس أو الأكل، بس لو كبر أوي ممكن يضغط على الحنجرة أو البلعوم

العلاج الأساسي هو:

• جراحة بسيطة
• الدكتور بيشيل الكيس الدرقى مع العضمه المتصله بيه وكمان الجزء من القناة اللي ممكن يفضل متوصل بقاعدة اللسان

وده ضروري علشان الكيس مايرجعش تاني
لو الكيس التهب الأول، الدكتور هيعالج الالتهاب الأول بمضاد حيوي، وبعد كده يعمل العملية. 

لانه له خطورة ولو تجاهلنا الكيس الدرقي ومعالجنهوش في أقرب وقت هيحصل مضاعفات خطيرة للطفل زى :

• الكيس الدرقي لو حصل واتفتح بقصد او بدون قصد فالطفل هنا هيكون معرض لخراج في الكيس الدرقي ومن بعدها هيتحول لناسور درقى ودي بتكون حالة خطر جدا وصعب علاجها ، لأنها بتتشعب و بتلزق فى الأنسجه و بتسبب تليفات
• الكيس الدرقي مع الوقت احتمال يحصله التهاب بشكل متكرر وهيظهر في النهاية بشكل مؤذي وهيسبب احراج للطفل و هيأثر على نفسيته
• كتير من الدراسات اثبتت ان من 1-2 % من الحلات المصابة بالكيس الدرقي معرضين لانه يتحول لسرطان فيما بعد وده بسبب تحول انسجة الكيس الدرقي لانسجة سرطانية .
• في بعض الاحيان الكيس الدرقي بيأثر على وظايف الجسم زي مثلا ان الطفل يحس بصعوبة في التنفس و الاكل او الكلام .

و بعد ماعرفنا ليه لازم نعمل عمليه الكيس الدرقى للطفل

• لو الطفل كان عنده انيميا ، ساعتها لازن نأجل العمليه
• تانى حاجه لو الطفل كان عنده إلتهابات برضوا لازم نأجل العمليه

انسب وقت انننا نعمل للطفل العمليه اول مانكتشف الكيس الدرقى و غالبا بنعمل العمليه من اول سن 6 شهور حتى لو كان الكيس الدرقى ظهر قبل مالطفل يتم 6 شهور ، لكن فى معظم الحالات بنعملها من سن سنتين ل 3 سنين لأنها بتكون ظهرت فى السن ده و قبل ما يتحول لناسور درقى و علاجه يبقى صعب

علشان كده دايما بننصح الأهل انهم اول مايلاحظوا حاجه غريبه على طفلهم يفحصوه عند جراح أطفال متخصص فورا علشان يقولنا انسب خطه علاج
ربنا يحمى و يحفظ كل أطفالكوا