دعنا نساعدك!
المهندسين , زهراء المعادي
مصر الجديدة
مزيد حول طرق التواصل!
هل عملية الخصية المعلقة خطيرة للاطفال؟
عملية الخصية المعلقة عند الأطفال تعتبر من اكتر العمليات اللي بنهتم جدا اننا نعملها في وقتها المناسب , ودا عشان نحمي الطفل من اي مشاكل ممكن تأثر علي قدرته علي الانجاب في المستقبل
و عملية الخصية المعلقة من العمليات الدقيقة لكنها عملية بسيطة لو اتعملت مع دكتور متخصص في جراحة الاطفال
والعملية ممكن تتعمل علي مرحله او علي مرحلتين تعالوا نعرف ليه :
-لو كان طفلك عنده خصية معلقة محسوسة فاحنا هنعملها على مرحلة واحدة بس ,
- هنفتح جرح صغير من 1 ل1 ونص سم وننزل الخصية في مكانها في كيس الصفن
- ونعمل جيب ونثبتها فيه عشان متتعلقش تاني .
-لكن لو عنده خصية معلقة غير محسوسة هنعملها على مرحلتين :
- المرحله الاولى هندور بالمنظار الاستكشافي على مكانها ولما نلاقيها هنعملها إطالة للحبل المنوي الأول
- وبعد 6 شهور هنعمل عملية بسيط ننزل الخصية في كيس الصفن ونعمل جيب ونثبتها فيه وبس كدا
والجرح سواء على مرحلة أو مرحلتين بنقفله بخيوط تجميلية بتدوب لوحدها مش هتسيب اثر بعد كدا
ومتقلقيش العملية مش بتاخد اكتر من نص ساعه وطفلك هيبقي بخير و كمان فتره التعافي من اسبوع لعشرة ايام , والطفل هيبقي زي الفل
اي الاستفادة من عملية الخصية المعلقة لطفلك ؟
- بعد العملية طفلك هيكون عنده خصيتين زي باقي الاطفال
- هتحمي طفلك من خطر إصابة الخصية المعلقة بالسرطان
- طفلك هيكون عنده فرصه في الإنجاب بنسبة 100% لان بقي عنده خصيتين مش واحده يعني إنتاجهم للحيوانات المنوية اكتر
- هتحافظي على نفسية طفلك ودا لانه ممكن نفسيته تتأثر لما يكبر ويكتشف ان عنده خصيه واحده
ونسبه نجاح عملية الخصية المعلقة كبيره جدا بتوصل ل 95% بس المهم انها تتعمل في معادها اللي هو في خلال 6 شهور من عمر الطفل عشان نضمن نجاح العملية , الا في حاله واحده بس ممكن نعمل عملية الخصية المعلقة قبل 6 شهور , ودا في حاله لو ظهر فتق اربي مع الخصية المعلقة , في الحاله دي لازم نعمل عملية الفتق الاربي عشان ننقذ الطفل من خطورة الفتق الاربي وبالمره هنعمل عملية الخصية المعلقة معاه.
وتقدر تعرف معلومات اكتر عن المعاد المناسب لعملية الخصية المعلقة من الفيديو دا
ليه لازم عملية الخصية المعلقة عند طفلك تكون مع دكتور متخصص في جراحة الأطفال ؟
لان عملية الخصية المعلقة دقيقة جدا وفي مكان مهم جدا لطفلك , فلو العملية كانت مع حد غير متخصص
- ممكن يقطع الحبل المنوي وهو بينزل الخصية لمكانها وطبعا بسبب دا طفلك هيخسر خصيته وهيأثر علي قدرته علي الإنجاب في المستقبل
- ممكن كمان ميثبتش الخصية بعد ما ينزلها في كيس الصفن وبالتالي الخصية هترجع تتعلق تاني وترجعي تعملي العملية تاني
اما بالنسبة لتكلفة عملية الخصية المعلقة هي بتتوقف علي نوع الخصية المعلقة عند طفلك واي الإجراءات والأدوات اللي هنستخدمها في العملية , وهل العملية هتكون علي مرحلة واحدة ولا على مرحلتين كله ده هيفرق في التكلفة , بس الاهم من التكلفة هو ضمان نجاح العملية مع الدكتور المتخصص في جراحة الأطفال وعنده الخبره الكافيه في عمليات الخصية المعلقة عند الاطفال