اي الفرق بين الفتق السري والفتق الإربي عند الأطفال ؟ 

كتير من الأهالى بتتلغبط بين نوعين من أنواع الفتق عند الأطفال حديثي الولادة وهم الفتق السري و الفتق الإربي , وخصوصا لو ده لسه اول بيبى ربنا يرزقهم بيه
و بيسمعوا أن في نوع من انواع الفتق ممكن تعرض حياه الطفل للخطر, و يبدأوا يقلقوا علي طفلهم

خصوصا لما يعرفوا ان في فتق بيتعالج وفي فتق مش بيتعالج فتعالو نعرف في البداية اي هو الفتق اللي مش بيتعالج
الفتق اللي مش بيتعالج هو الفتق السرى:
ده بيكون عباره عن ورم او انتفاخ كده شبه البالونه بيكون موجود فوق السره  

علشان نجاوب على السؤال ده محتاجين نعرف جدار البطن بيتكون من ايه , جدار البطن بيتكون من : 

• جلد البطن 
  
• عضلات البطن 
  
• تجويف البطن 
  

ف الطفل لما بيتولد ممكن يكون جزء من الأجزاء دى لسه مكتملتش ف مع اى مجهود او اى ضغط على البطن ...بيظهر جزء من الامعاء على شكل ورم او بالونه صغيره لينه فى السره  

• و حاجه كمان ممكن تسبب الفتق السرى للأطفال : و هى السره نفسها لأن فى فتره الحمل الحبل السرى بيمر من فتحه صغيره فى عضلات  
  
• فى بطن الجنين و الفتحه دى المفروض تقفل تلقائيا بعد الولاده ​لكن لو متقفلتش ، بيحصل الفتق السرى    

علشان كده الاطفال المولودين قبل ميعادهم بيكونوا اكتر عرضه للفتق السرى لأن ممكن يكون جزء من جدار البطن لسه متكونش
وخلي بالك ان الكحه والحزق والعياط مش سبب في فتق السرة  

الفتق السرى ملوش اى خطوره على الطفل , لأن الأجزاء اللى متكونتش فى البطن نموها بيبدأ يكتمل كل م الطفل عمره يكبر
وزي ما قولنا ان هو فتق مبيتعالجش احنا مش بنعمل اي تدخل جراحي قبل عمر السنتين لأن المفروض الفتق هيختفي لوحده بس في حالات بتستدعي اننا نتدخل جراحيا زي :  

1. لو عندي سنتين والفتق مخفش  
   
2. أو الفتق حصله اختناق ومش بيرجع لمكانه  
   
3. فتحة الفتق اكبر من 1 سم والفتق عمال يزيد  
   

و ده بيكون عباره عن ورم او انتفاخ بيكون موجود فى القناه الإربيه بالتحديد عند لازقة البامبرز نتيجه نزول جزء من الأمعاء في القناة الإربية  

الفتق الإربى بيحصل بسبب , ان مدخل القناه الإربيه اللى بتكون عباره عن ممر او انبوبه بيفضل مفتوح بعد م الخصيه تنزل لكيس الصفن فى التلت الأخير من الحمل
فى الوضع الطبيعى المفروض القناه دى بتقفل بعد م الخصيه تنزل , لكن لو فضلت مفتوحه بيحصل الفتق الإربى 

فى الحقيقه ايوه ليه خطوره, لأن الفتق الإربى ممكن يحصله حاجه اسمها إختناق, و ده بيكون عباره عن ان الأمعاء اتحشرت جوه القناه الإربيه .
ولو متعالجتش في أسرع وقت ممكن لقدر الله الطفل يحصله مضاعفات خطيرة تهدد حياته ومستقبله
و تعالوا نسمع الفيديو ده مع بعض علشان نعرف أكتر عت خطوره الفتق الإربى :  

وعلاج الفتق الإربي الوحيد هو الجراحة بيكون عباره عن عمليه جراحيه علشان نقفل مدخل القناه الإربيه , و لازم تتعمل اول ما الطفل يتشخص ان عنده فتق إربى ,لأننا مش بنكون عارفين الفتق ده ممكن يحصله إختناق امتى

سواء طفلك عنده فتق إربي او فتق سري لازم تتابعي مع دكتور متخصص في جراحة الأطفال عشان يفحص طفلك كويس ويشخص الفتق اللي عنده ويحدد طرق العلاج المناسبة والوقت المناسب , ولازم نخلي بالنا ان علاج اي مرض في بدايته بيجنبنا مضاعفات كتير ممكن تحصل لطفلك.