أنواع الفتق عند الأطفال بالصور

بنسمع كتير عن ان فى اطفال بتتولد عندها فتق، وبنكون متعجبين جدا إزاى طفل ممكن يتولد عنده فتق
علشان كده النهارده هنتكلم عن انواع الفتق عند الاطفال بالصور اللى ممكن تيجى وخلينا نبدأ بأول نوع معانا

1- فتق السره عند الأطفال

و ده من الاختلافات الخلقية اللى كتير من الأطفال ممكن يتولدوا بيه، وكتير من الأهالى بيكونوا مش عارفين هو خطير على الطفل ولا لا، و لا عارفين شكله بيكون ايه
فتعالوا نعرف مع بعض الفتق السرى ده أصلا عباره عن ايه :
الفتق السرى ده زى ما إحنا شايفين فى الصوره كده، بيكون عباره عن ورم او كلكيعه شبه البالونه، بتكون بارزه فوق سرة الطفل

و فتق السره بيحصل اكتر للأطفال اللى مولودين قبل ميعادهم لأن: 

1. الأطفال اللى بتتولد بدرى فى حاجات فى جسمهم ممكن يكون تكوينها مكتملش زى البطن مثلا، وفى الحاله دى بسبب ضعف عضلات البطن، هنلاقى الأمعاء بتظهر على شكل ورم أو الإنتفاخ اللى بنشوفه ده
2. تانى حاجه ممكن تسبب فتق سرى للطفل، هى لو الفتحة اللى بيمر منها الحبل السرى اللى بيغذى الطفل طول فتره الحمل فضلت مفتوحة بعد الولاده و متقفلتش ده برضوا بيظهر على شكل ورم او بروز فى السره

و تعالوا نعرف اكتر عن الفتق السرى فى الفيديو ده : 

و بعد ماعرفنا ايه هو الفتق السرى ، تعالوا نتكلم على تانى نوع من أنواع الفتق عند الأطفال و هو :  

2-الفتق الإربي عند الأطفال

الفتق الإربي بيكون نوع من أنواع الفتق عند الأطفال وبيكون زي تورم كده شكله عامل زي البالونة أو كتلة صغيرة، وبيظهر في المنطقة اللي بين أسفل البطن وأعلى الفخذ، واللي بنسميها المنطقة الإربية. في العادة، بيظهر الفتق ده أكتر في ناحية اليمين من القناة الإربية، بس

ممكن كمان ييجي في الشمال أو في الناحيتين مع بعض.
والفتق الإربي في الأطفال بيحصل بسبب:
ان بعد ما الخصيتين بيتنقلوا من مكانهم فى البطن لكيس الصفن عن طريق القناة الإربية
المفروض ان القناة الإربية بتتقفل لأن كده دورها خلص
لكن لو مدخل القناه الإربيه فضل مفتوح لأكتر من 4 مم فى الحاله دى بيفضل جزء من الأمعاء ينزل و يطلع من البطن للقناه الإربية كل شويه
و ده اللي بنسميه الفتق الإربي، و علشان كده بنقول عليه إختلاف خلقى مش مرض جه للطفل لما اتولد , لأن الطفل بيكون مولود بيه

و تعالوا نعرف اكتر عن الفتق الإربى من الفيديو ده :  

و دلوقتى تعالوا نتكلم عن تالت نوع من أنواع الفتق و هو :

3- الفتق الشرسوفى ( الفتق فوق السره )

النوع ده من الفتق بيكون عباره عن تورم او انتفاخ فوق السره بيبقى شبه الفتق السرى بالظبط

الفتق الشرسوفي بييجي عشان عضلات البطن ما كانتش مقفولة كويس من فوق السرّة وقت ما الطفل كان لسه بيتكوّن، ففضل في فتحة صغيرة، ولما الطفل بيضغط على بطنه (زي لما يعيط جامد)، بتظهر كتلة صغيرة من تحت الجلد." 

4- فتق الحجاب الحاجز

فتق الحجاب الحاجز بيحصل لما بيكون فيه فتحة أو ضعف في عضلة الحجاب الحاجز، اللي هي العضلة اللي بتفصل بين البطن والصدر. ولما يحصل كده، جزء من المعدة أو الأمعاء ممكن يطلع لفوق ناحية الصدر بدل ما يفضل في مكانه الطبيعي. وده ساعات بيكون معاه مشكله فى التنفس
و بعد ما عرفنا ايه الانواع اللى ممكن تيجى للأطفال ، تعالوا نعرف ازاى بنقدر نشخص كل نوع من أنواع الفتق عند الأطفال بالصور: 

كيف يتم تشخيص الفتق لدى الأطفال؟

1- الفتق السرى :

• الدكتور بيشوف السره بعينه، وبيلاحظ لو فيها بروز أو انتفاخ واضح.
• البروز ده بيبان أكتر لما الطفل يبكي أو يكح.
• الدكتور ممكن يلمس البروز بإيده علشان يشوف لو بيرجع لجوه بسهولة ولا لأ.
• في معظم الحالات، الكشف كفاية ومش بيحتاج تحليل أو أشعة.
• لو الفتق شكله غريب، كبير، أو مش بيرجع مكانه، الدكتور ممكن يطلب أشعة علشان يطمن أكتر.

2- الفتق الإربى :

• بيكون في بروز أو كتلة صغيرة في المنطقه الإربيه اللى بين البطن و الفخد خصوصا لما الطفل يبكي أو يكح
• او لو لقينا الطفل بيرجع
• و لو كان الطفل مش بكامل إنتباهه مع الأم

كل دى علامات تقولنا ان الطفل مصاب بالفتق الإربى
و علشان تعرفوا اكتر عن أعراض الفتق الإربى ، تعالوا نسمع الفيديو ده مع بعض :

3- الفتق الشرسوفى ( فتق فوق السره ) :

• ده بيكون عن طريق الفحص الإكلنيكى ، الدكتور بيفحص الطفل وبيفحص البروز اللى فوق السره
• وبنسبه كبيره البروز ده بيبان أكتر لما الطفل يكح او يعيط
• وعلشان الدكتور يكون مطمن أكتر ممكن يطلب أشعة او سونار للطفل

4- فتق الحجاب الحاجز

تشخيص فتق الحجاب الحاجز بيكون مختلف شوية عن باقي أنواع الفتق عند الأطفال ، وده لأنه بيحصل جوه الجسم، ومش دايمًا بيكون باين من برّه. 

• الدكتور بيلاحظ على الطفل أعراض زي: صعوبة في التنفس، نفس سريع، بطن منفوخة، أو صوت النفس مش طبيعي.
• الدكتور بيسمع صدر الطفل بالسماعة، ولو لقى أصوات أمعاء في منطقة الصدر بدل ما تكون في البطن، بيشك في وجود فتق في الحجاب الحاجز.
• في الحالة دي، الدكتور بيطلب أشعة على الصدر والبطن (زي أشعة سينية أو موجات صوتية أو أشعة مقطعية) علشان يشوف إذا كان جزء من المعدة أو الأمعاء طالع لفوق في منطقة الصدر.
• الأشعة بتأكد التشخيص، وبتوضح مكان الفتق وحجمه.

هل عمليه الفتق عند الأطفال خطيرة؟

و دلوقتى بعد ماعرفنا أنواع الفتق عند الأطفال بالصور و ازاى بنشخص كل نوع منهم ، تعالوا نعرف
ياترى هل عمليه الفتق عند الأطفال خطيرة؟

1- الفتق السرى :

الفتق السرى بيكون نوع من أنواع الفتق عند الأطفال اللى مش بنحتاج نعملها عمليه ، لأن بنسبه كبيره الفتق السرى بيختفى لوحده لما الطفل بيكبر فى العمر
لكن لو الطفل وصل 4 او 5 سنين و الفتق مكانش راح ، ساعتها بنعمل عمليه بسيطه للفتق السرى
و العمليه دى مفيش منها اى خطوره على الطفل

2- الفتق الإربى :

الفتق الإربى بيكون نوع من أنواع الفتق عند الأطفال اللى لازم نعمل للطفل عمليه اول ما يتشخص ان عنده فتق إربى
لأنه ملوش اى علاج غير تدخل جراحى، ولو اتأخرنا فى قرار العمليه ده ممكن يخلى الفتق يحصله حاجه اسمها إختناق و ده ممكن يأثر على حياة الطفل لا قدر الله
وعمليه الفتق الإربى مفيش منها اى خطوره على الطفل
و تعالوا نعرف اكتر هل عمليه الفتق الإربى خطر على الأطفال ولا لا فى الفيديو ده :  

3- الفتق الشرسوفى ( الفتق فوق السره ) :

بالرغم من أن أعراض الفتق السرى و فوق السرى متشابهه ، إلا ان الفتق فوق السرى علشانه نعالجه لازم نعمله عمليه جراحيه بسيطه ، ومفيش منها اى خطورة على الطفل

4- فتق الحجاب الحاجز :

العلاج بيختلف حسب الحالة:
لو بسيط: 

• ممكن يتابع الطفل مع دكتور أطفال وجهاز هضمي، ويتوصفله أدوية تقلل الحموضة والارتجاع.
• متابعة مستمرة علشان نشوف لو الفتق بيكبر أو بيأثر على التنفس أو الأكل.

لو كبير أو خطير: 

• لازم تدخل جراحي علشان يقفلوا الفتحة ويرجعوا الأعضاء مكانها.
• في حديثي الولادة، الجراحة بتبقى ضرورية وسريعة بعد الولادة على طول، خصوصًا لو الطفل مش قادر يتنفس كويس.

وبعد ماعرفنا كل نوع من أنواع الفتق عند الأطفال بالصور وبيتعالج إزاى ، وهل العمليه بتاعته خطيرة ولا لا
خلينا نقول أن نجاح أى عمليه بيعتمد على اختيار دكتور جراحة اطفال مناسب هو اللى يعمل العمليه لطفلنا

طيب امتى بنحتاج نستشير دكتور جراحة اطفال متخصص؟

احنا بننصح كل أب و أم انهم لو لاحظوا اى علامه من علامات الفتق عند أطفالهم، انهم ياخدوه و يفحصوه عند جراح أطفال متخصص
علشان يقولنا ايه انسب إجراء ناخده مع الطفل

دلوقتي لو عاوزة تحجزي كشف علشان تفحصي طفلك مع الدكتور محمد علام استشاري جراحات الأطفال وحديثي الولادة، تقدرى تتواصلي معانا بكل سهولة عبر الواتساب أو من خلال ملئ فورم التواصل على الموقع.

ربنا يحمى ويحفظ كل أطفالكوا