ما الأدوات المستخدمه فى ختان الأطفال الذكور؟

عرفنا من مقال ختان أو طهارة الذكور ان الطهارة هي اجراء بسيط جدا مش بياخد اكثر من 10 دقايق ولو طول هيكونوا ربع ساعه ، المهم انها تكون على ايد دكتور متخصص في جراحة الأطفال ، عشان يقدر انه يطاهر البيبي بطريقة صح وكمان بأداة آمنه على الطفل ، و لو عاوزين تعرفوا معلومات اكتر عن ختان الأطفال , افتحوا مقال طهاره البيبى

دلوقتى خلونا نتكلم بالتفصيل اكتر عن الادوات اللى ممكن نستخدمها فى طهارة البيبى ، و نعرف كمان هل في أداة فعلا لو حد مش متخصص استخدمها ممكن انها تهدد حياة البيبي الزوجية بعدين ؟

وتعالو الأول نبدأ بأدوات الطهارة ونمسك واحدة واحدة و نشرحها بالتفصيل.   

جهاز الجومكو هو أكثر الأدوات الآمنة جدا على الطفل والجهاز ده ملهوش أي مخاطر ممكن انها تأثر على البيبي ، دا غير انه بيضمن لك عملية طهارة ناجحة جدا من غير أي مشاكل وفي وقت قصير جدا واللي هو 10 دقايق ، وده كله عشان الجهاز بيكون متكون من جزئين مهمين جدا جدا اللي هما القمع و جسم الجهاز نفسه

القمع ده عبارة عن قطعه من المعدن بنثبتها على راس العضو عشان نكون مطمنين و احنا بنقص جلد الطهارة اننا مش هنأذى راس العضو الذكرى
، أما القطعه التانيه وهى جسم الجهاز فده مهمته انه يثبت العضو الذكري نفسه عشان يسهل على الدكتور انه يقص جلد الطهارة بشكل متساوى

و بكده هنضمن ان
1- طهارة البيبى هتم من غير ما نأذى رأس العضو الذكرى و
2- كمان هنضمن ان جلد الطهارة هيتقص بشكل متساوى ، و ده هيفرق فى الشكل
الجمالى للعضو الذكري
3- و كمان هنضمن ان جلد الطهارة مش هيتقص ازيد من الازم لان ده هيعمل للطفل مشاكل كتير جدا لما يكبر فى الانتصاب و هيكون السبب فى انه يكون عنده سرعه قذف ، ولا اقل من الازم فنضطر اننا نعيد الطهارة مره تانى  

و علشان نعرف اكتر عن مميزات جهاز الجومكو ، تعالوا نسمع الفيديو ده مع بعض .: 

الطريقة دي برضو زي الجومكو تعتبر من الطرق الأمان جدا على الطفل ، وهنا الدكتور بيحط الحلقة البلاستيكية المناسبة لحجم العضو على راس العضو الذكرى ، الاختلاف في الحلقة البلاستيكية بس ان الحلقة دي بتفضل موجودة بعد العملية لمده 7 ايام و بعد كده بتقع لوحدها  

و تعالوا نسمع الفيديو ده مع دكتور محمد علام ، علشان نعرف اكتر عن الفرق بين الطهاره بالجومكو و الطهاره بالحلقه البلاستيكيه 

وده يعتبر من اسواء الادوات اللى ممكن نفكر اننا نطاهر بيها البيبى ، و ده لان مشاكله كتير جدا ، و لو الدكتور اللى بيستخدمة مكنش عنده خبرة كبيرة فى الطهارة بمقص العضم ممكن يتسبب فى كوارث للطفل زى ان

- انه مثلا يقطع جلد زياده وبكده نكون سببنا مشكلة تانية بعد البلوغ وهي سرعة القذف
- أو أنه يقطع جلد اقل ومتبقاش تمت عملية الطهارة بشكل كويس ويحصل التهابات وعدوى بعدين وكمان ممكن انه يحصله مشكلة زي العضو المدفون.
- دا غير انها مش بتدي شكل جمالي للعضو زي جهاز الجومكو والحلقة البلاستيكية.
- او انه لا قدر الله بسبب ان الدكتور مش بيكون شايف كويس راس العضو الذكرى بسبب جلدة الطهارة ، فده ممكن يتسبب فى انه يقطع راس العضو نفسه

عشان كده دايما بننصح اننا نبعد عن مقص العضم فى الطهارة عشان منأذيش البيبى 

و علشان تعرفوا اكتر عن أضرار مقص العضم ، تعالوا نسمع الفيديو ده سوا 

بكده نكون اتكلمنا عن كل الادوات اللى ممكن نستخدمها فى طهارة الرضع و الاطفال حديثى الولاده ، و عرفنا اى افضل الادوات اللى مش هيكون فى منها خطورة على البيبى ، و عرفنا كمان ان اللى هيعمل عمليه الختان للبيبى لازم يكون جراح اطفال عشان يقدر انه يطاهر البيبي صح ومن غير اي مشاكل او أي ألم للطفل ، وكمان دكتور جراحة الاطفال هو اللى هيقدر يحدد لو الطفل عنده أي موانع أو مؤجلات للطهارة فيقدر أنه يعرفها ويحدد أي هي المشكلة دي وازاى نعالجها.

اتمنى تكونوا استفدتوا ورسالة لكل أب و أم ، طفلكم امانة بين ايديكم اتأكدوا هتطاهروه بإيه واتجنبوا مشاكل كثيرة .