أضرار اللسان المربوط عند الأطفال والرضع وطرق علاجه

امهات كتير اول ما بتسمع ان طفلها عنده لسان مربوط ، بتقول هيروح لوحده لما الطفل يكبر و بنبدأ نتجاهله لحد ما أضراه تبدأ تظهر على الطفل
و قبل ما نتكلم عن أضرار اللسان المربوط عند الأطفال تعالوا نعرف  

اي هو اللسان المربوط؟

اللسان المربوط او (Tongue-tie) هو عيب خلقي بيتولد بيه الطفل، بيكون فيه نسيج صغير بيربط بين أسفل اللسان وأرضية الفم، بس بيكون قصير أو مشدود, ده بيخلي حركة اللسان محدودة، وممكن يمنع الطفل من الرضاعة الطبيعية بشكل طبيعي، وكمان يسبب مشاكل في الكلام بعد كدا .

و دلوقتى تعالوا نعرف  

أضرار اللسان المربوط

1. مشاكل في الرضاعة الطبيعية
الأم ممكن تلاحظ إن الطفل مش قادر يمسك الثدي كويس، أو إن الرضاعة بتسبب ليها ألم شديد وتشقق في الحلمة.
2. بطء في زيادة وزن الطفل
بسبب إن الطفل مش بيرضع كويس، وزنه ممكن يزيد ببطء أو يفضل ثابت فترة طويلة.
3. مشاكل في النطق عند الطفل
لما الطفل يكبر، ممكن يواجه صعوبة في نطق بعض الحروف زي (ر – ل – ت – د).
4. مشاكل في صحة الفم والأسنان
اللسان المربوط ممكن يؤدي لمشاكل زي تراكم الأكل حوالين الأسنان أو مسافات غير طبيعية بين الأسنان الأمامية السفلية. 

طرق تشخيص اللسان المربوط

• الكشف الإكلينيكي عند دكتور متخصص.
• ملاحظة حركة اللسان ومدى قدرته يطلع برا الشفايف.
• متابعة وزن الطفل ومعدل نموه.

طيب بعد ما عرفنا ايه الأضرار اللى ممكن يسببها اللسان المربوط للطفل تعالوا دلوقتى نعرف

طرق علاج اللسان المربوط

افضل طريقه نعالج بيها اللسان المربوط عند الأطفال هى اننا نفصل النسيج الموجود بين اللسان و قاع الفم عن طريق عمليه جراحيه بسيطه جدا ، عشان نقص اللجام و العمليه مش بتاخد اكتر من 5 دقايق
و ساعات بنعمل العمليه دى للطفل من غير مخدر لأن النهايات العصبيه اللى بتكون موجوده فى المنطقه دى بتكون ضعيفه جدا
فالطفل مش بيحس بالألم اوى علشان سنه بيكون صغير
لكن لو الطفل كان عمره كبير شويه ساعتها لازم نديله بنج كلى قبل ما نعمله العمليه ،
لأنه هيكون حاسس بالألم بشكل أكبر من الطفل اللى لسه مولود
و تعالوا نسمع الفيديو دا  

عشان نعرف تفاصيل اكتر عن اللسان المربوط مع الدكتور محمد علام - إستشاري جراحات الأطفال والمناظير والاختلافات الخلقية

الخلاصة

اللسان المربوط مش مجرد مشكلة بسيطة، لكنه ممكن يأثر على حياة الطفل بشكل مباشر من أول الرضاعة لحد الكلام. التشخيص المبكر والتدخل في الوقت المناسب بيخلوا العلاج سهل جدًا وبدون أي مضاعفات. لو لاحظتِ إن طفلك عنده صعوبة في الرضاعة أو وزنه مش بيزيد، متتأخريش في استشارة دكتور متخصص.