أفضل المقالات :
اكثر الاختلافات الخلقية شيوعا:
الفتق الاربي عند الاطفال وحديثي الولادة
الإحليل السفلى عند الاطفال الذكور
دعنا نساعدك!
الدقي , زهراء المعادي
مصر الجديدة
مزيد حول طرق التواصل!
الخصية المعلقة المحسوسة عند الأطفال
كتير من الأهالى أول م ربنا يرزقها بطفل ولد ، و الدكتور يفحص الطفل يلاقى عنده اختلاف خلقى اسمه
الخصيه معلقه
ف أهل الطفل يبدأوا يقلقوا و يكونوا مش عارفين يتصرفوا إزاى
و قبل مانقول المفروض نتصرف إزاى تعالوا نعرف بسرعه
الخصيه المعلقه دى عباره عن ايه :
الخصيه المعلقه دى عباره عن ان خصيه واحده من الخصيتين ، او الخصيتين اتعلقوا فى القناه الإربيه اثناء نزولهم من البطن لكيس الصفن
ايه اللى بيخلى الطفل يتولد عنده خصيه معلقه :
فى الحقيقه مفيش سبب معين نقدر نقول ان هو ده السبب فى ان الأطفال بتتولد عندها خصيه معلقه ، لكن فى عوامل لو اتجمعت ممكن تكون سبب فى ان الطفل يتولد عنده خصيه معلقه زى:
- لو كان الطفل اتولد بدرى قبل ميعاده
- لو الطفل كانت اتولد وزنه قليل
- لو الأم اتعرضت لمواد كيميائيه او مبيدات حشريه اثناء فتره الحمل
طيب و دلوقتى بعد م عرفنا ايه هى الأسباب اللى ممكن تخلى الطفل يتولد عنده خصيه معلقه
تعالوا النهارده نتكلم على اول نوع من
انواع الخصيه المعلقه و هو :
- الخصية المعلقة المحسوسة : و دى عبارة عن نوع من أنواع الخصية المعلقة عند الأطفال
و بنسميها محسوسة لأن جراح الأطفال بيقدر يحس وجودها أثناء الفحص في المنطقة الإربيه
و تعالوا نسمع و نعرف أكتر عن الخصيه المعلقه المحسوسه فى الفيديو ده :
علاج الخصية المعلقة المحسوسة دى بتكون ايه؟
الخصيه المحسوسه علاجها بيكون عمليه جراحيه ، بس خلينا نقول إننا مش بنعمل للطفل أى عمليه جراحيه قبل م يكمل 6 شهور، لأننا خلال ال6 شهور دول بنحط إحتمال ان الخصيه ممكن تنزل لوحدها بشكل طبيعى من غير م نحتاج نعملها أى عمليات
لو ال 6 شهور دول عدوا و الخصيه منزلتش؟
ساعتها هنعمل للطفل عمليه علشان ننزل الخصيه فى كيس الصفن
طيب ايه اللى بيحصل بالظبط فى العمليه؟
- اول حاجه بنخدر الطفل تخدير كلى على ايد جراح أطفال متخصص
- و بعد كده بنفتحه فتحه صغيره فى تجويف البطن
- و بعد كده الدكتور بيبدأ يعمل إطاله للحبل المنوى
- و بعد كده بيعمل محفظه يثبت فيها الخصيه فى كيس الصفن
و بعد ماعرفنا ايه هى الخصيه المعلقه المحسوسه ،
خلينا نوضح حاجه مهمه ، و هى ان الخصيه المعلقه من الإختلافات الخلقيه اللى ممكن تأثر على صحه الطفل لو متعالجتش بطريقه بطريقه صح ، و فى ميعاد صح
علشان كده دايما بنقول ان إختيار جراح أطفال متخصص ، اول خطوه فى طريق العلاج الصحيح
ربنا يحمى ويحفظ كل أطفالكوا