أفضل المقالات :
اكثر الاختلافات الخلقية شيوعا:
الفتق الاربي عند الاطفال وحديثي الولادة
الإحليل السفلى عند الاطفال الذكور
دعنا نساعدك!
الدقي , زهراء المعادي
مصر الجديدة
مزيد حول طرق التواصل!
مخاطر الفتق الإربي عند الأطفال
الفتق الإربى من الإختلافات الخلقيه المنتشره جدا بين الأطفال و حديثى الولاده , بس للأسف كتير من الأهالى بيغلطوا فى حق أولادهم لما يعرفوا ان علاج الفتق الإربى عمليه و يخافوا يعملوا العمليه علشان الطفل عمره صغير و خايفين ياخد بنج و يدخل عمليات و هو فى السن ده
طب عمركوا فكرتوا لو معملناش العمليه و سبنا الفتق الإربى هيحصل ايه للطفل؟
و قبل ما نقول هيحصل ايه للطفل تعالوا نفتكر مع بعض الفتق الإربى ده كان عباره عن ايه:
ده بيكون عباره عن ورم او الكلكيعه , بيكون موجود فى المنطقه الإربيه, ( بالتحديد يعنى مكان لازقه البامبرز) و المنطقه الإربيه دى مكانها بيكون أعلى الفخد و اسفل البطن
طيب ليه بنقول اننا لو معملناش العمليه للطفل او الطفله اللى عندهم فتق إربى ده ممكن يأثر على حياتهم؟
لأن فى تأثيرات للفتق بتأثر على الولد , و تأثيرات بتأثر على البنت , و تأثيرات واحده و ثابته فى الإتنين
و خلونا نبدأ كلامنا بالتأثيرات الثابته اللى ممكن تحصل ليهم هما الإتنين:
1- الفتق ده ممكن يحصله حاجه اسمها إختناق:
و الإختناق ده بيكون عباره عن ان الأمعاء نزلت فى القناه الإربيه و اتحشرت و مش عارفه ترجع تانى للبطن , طيب خطورته فى ايه؟
اول حاجه بيعملها إختناق الفتق الإربى , ان الأمعاء لما بتتحشر بيحصلها حاجه اسمها غرغرينا فى الأمعاء ...الغرغرينا دى بتحصل نتيجه ان الدم مش بيكون واصل للأمعاء , و نتيجه ده ممكن نحتاج اننا نستأصل الجزء اللى حصله ضرر من الأمعاء
و لو الطفل اتأخر فى انه يعمل العمليه, ممكن تسبب خطوره عليه لأن الغرغرينا بتعمل تسمم دموى
2- تأثير إختناق الفتق الإربى على الأولاد ممكن يقلل فرصته فى الإنجاب لما يكبر , ليه؟
- لأن الفتق الإربى لما بيحصله إختناق فى الأطفال الذكور بيضغط على الوعاء الناقل اللى بيغذى الخصيه , و بالتالى ده هيخلى مفيش دم يوصل للخصيه , فيحصلها ضمور
و لما الخصيه بيحصلها ضمور مبتقدرش تقوم بدورها, اللى هو انتاج و تخزين الحيوانات المنويه وإنتاج هرمون التستوستيرون
و ساعتها فرصه الطفل ده فى الإنجاب لما يكبر هتكون قليله ( ده فى حاله ان الخصيه التانيه سليمه)
3- ليه اإختناق الفتق الإربى ليه تأثير على القدره الإنجابيه عند البنات لما يكبروا؟
- لأن بنسبه كبيره الورم اللى الأم بتلاحظه فى القناه الإربيه عند البنات , بيكون المبيض هو اللى نزل فى القناه الإربيه مش الأمعاء , و لو الفتق كبير شويه ممكن نلاقى المبيض و معاه أنبوبه فالوب, وساعات جزء من الرحم
- و فى حاله الإختناق المبيض مش بيكون واصله دم , و بنلاقى ان لونه بدأ يكون اسود , و ساعتها ممكن نضطر بنسبه كبير اننا نشيل المبيض , و فى الحاله دى نسبه ان الطفله دى فى انها تقدر تخلف لما تكبر بتكون قليله ( فى حاله ان المبيض التانى سليم)
لأن المبيض هو المسئول عن تكوين البويضات , اللى بيخصبها الحيوان المنوى فى عنق الرحم , علشان يتكون جنين و يحصل حمل
و لو حابين تعرفوا معلومات اكتر عن إزاى الفتق الإربى ممكن يأثر على القدره الجنسيه و الإنجابيه عند الأطفال لما يكبروا
تقدروا تعرفوا من خلال مقال ( تأثير الفتق الإربى على القدره الجنسيه و الإنجابيه عند الأطفال)
كل المخاطر و المشاكل دى ممكن نقدر نتجنبها , لو عالجنا الفتق الإربى بعمليه مش بتاخد اكتر من ساعه إلاربع ، و مع جراح أطفال متخصص ولو عاوزين تعرفوا تفاصيل اكتر عن عملية الفتق الاربي عند الاطفال تقدروا تتواصلوا معانا من خلال الواتساب
01022814973
الفتق الإربي هو تورم أو انتفاخ يظهر في منطقة أعلى الفخذ وأسفل البطن، نتيجة خروج جزء من الأمعاء أو الأعضاء الداخلية من مكانها الطبيعي عبر فتحة في جدار البطن.
لا، الفتق الإربي لا يلتئم أو يختفي وحده، والطريقة الوحيدة لعلاجه هي إجراء عملية جراحية مع جراح أطفال متخصص.
ترك الفتق الإربي قد يؤدي إلى اختناق الفتق، وهو حالة خطيرة تنقطع فيها الدورة الدموية عن الأمعاء أو المبيض، مما قد يسبب غرغرينا، استئصال العضو المصاب، أو تسمم دموي.
عملية الفتق الإربي تعتبر آمنة جدًا عند إجرائها مع جراح أطفال متخصص، وتستغرق حوالي 45 دقيقة فقط، ويتم فيها أخذ كل احتياطات التخدير.