أفضل المقالات :
اكثر الاختلافات الخلقية شيوعا:
الفتق الاربي عند الاطفال وحديثي الولادة
الإحليل السفلى عند الاطفال الذكور
دعنا نساعدك!
الدقي , زهراء المعادي
مصر الجديدة
مزيد حول طرق التواصل!
هل عملية الخصية المعلقة خطيرة للاطفال
كتير من الأهالى اللي اطفالهم اتولدوا بخصيه معلقه , بيخافوا و بيكونوا مش عايزين يعملوا العمليه , و بيدوروا على طريقه تانيه يعالجوا بيها الخصيه المعلقه غير ان طفلهم يدخل عمليات و يتخدر و هو عمره صغير كده
لكن فى الحقيقه المخاطر اللى انتوا قلقانين انها تحصل للطفل من العمليه , اقل بكتير من المخاطر اللى ممكن تحصله لو معملش العمليه
و قبل ما نعرف هى العمليه بتكون خطيره ولا لا , تعالوا نفتكر مع بعض بسرعه الخصيه المعلقه دى كانت عباره عن ايه:
دى بتكون عباره عن إختلاف خلقى منتشر بين الأطفال حديثى الولاده , بنلاقى الطفل مولود بخصيه واحده و الخصيه التانيه مش موجوده
او الخصيتين مش موجودين
طيب ليه بنقول ان أضرار اننا منعملش العمليه اكبر من المضاعفات البسيطه اللى ممكن تحصل بعد العمليه؟
لأن الخصيه علشان تقدر تقوم بدورها , لازم تكون موجوده فى درجه حراره أقل من درجه حراره الجسم , و المكان الوحيد اللى درجه حرارته أقل من درجه حراره الجسم هو كيس الصفن , فبالتالى طول ما الخصيه موجوده او معلقه فى اى مكان غير كيس الصفن
مش هتقدر تقوم بدورها
طيب و ايه اللى هيحصل لو الخصيه معملتش وظيفتها؟
1- اول حاجه ده هيأثر على القدره الجنسيه و الإنجابيه للطفل , و كمان هيعمله مشاكل فى الخصوبه
لأن الخصيه مسئوله عن انتاج و تخزين الحيوانات المنويه , و الحيوانات المنويه دى وظيفتها انها تخصب البويضه فى عنق الرحم علشان يتكون جنين و يحصل حمل , و طول م الخصيه مش موجوده فى كيس الصفن مش هتقدر تقوم بدورها
2- تانى حاجه هتسببها الخصيه لو مش موجوده فى مكانها , انها هتسبب للطفل مشاكل فى البلوغ لما يكبر
لأن الخصيه بتنتج هرمون اسمه التستوستيرون , و الهرمون ده بيكون مسئول عن ظهور الصفات الذكوريه على الأطفال اثناء مرحله البلوغ زى:
- نمو القضيب و الخصيتين
- ظهور شعر الوجه و الجسم
- و هرمون التستوستيرون بيعمل على زياده الرغبه الجنسيه عند الرجال
- و مسئول كمان عن نزول الخصيتين
كل دى الأضرار ممكن تحصل للطفل لو معملش عمليه الخصيه المعلقه , و علشان نطمنكوا اكتر من العمليه
تعالوا نتكلم اكتر عن العمليه ,
عمليه الخصيه المعلقه بنعملها بطريقتين , على حسب نوع الخصية المعلقة اللى عند الطفل
و لو حابين تعرفوا اكتر عن انواع الخصية المعلقة اضغطوا هنا (
أي أنواع الخصية المعلقة عند الأطفال وأي طرق علاجها ؟ )
1- و اول طريقه نقدر نعمل بيها عملية الخصية المعلقة للأطفال هى عن طريق الجراحه التقليديه ( ده فى حاله ان الخصيه المعلقة كانت من النوع المحسوس):
- و فى الجراحه التقليديه الجراح بيكون لابس عدسة مكبرة , علشان ميضرش الأنسجه اللى بتغذى الخصيه
- و بيبدأ يفتح فتحه صغيره فى المنطقه الإربيه
- علشان ياخد الخصيه يعملها تسليك من الأنسجه اللى حواليها و بعدين يعملها عمليه إطاله , و دى بتكون عباره عن اننا بناخد الخصيه نشدها للناحيه التانيه , ف لما الأحبال بتكون مشدوده الأوعيه الدمويه اللى كانت قصيره بتبدأ تطول و ده بسبب حركه الأمعاء إنها بتتقل عليها الوزن)
- و بعد كده بنعمل محفظه فى كيس الصفن و نثبت فيها الخصيه
2- و تانى طريقه لعمليه الخصية المعلقة هى اننا نعمل العمليه عن طريق المنظار الجراحى ( و دى فى حاله ان الخصيه المعلقه كانت غير محسوسه)
- اول حاجه فى المنظار الجراحى , هو اننا بنستخدمه علشان نعرف إذا كانت الخصية أصلا موجوده جوه تجويف البطن ولا لا
- و بعد كده لما بنلاقي الخصية و نحدد مكانها بنعملها برضوا عملية إطالة
- و بعد كده بنحركها من مكانها و نثبتها فى كيس الصفن
عملية الخصية المعلقة مش هتسبب لطفلك أى مضاعفات لطفلك لو اتعملت مع جراح أطفال متخصص لكن عدم علاج الخصية المعلقة هو اللى ممكن يسبب لطفلك مخاطر منقدرش نعالجها بعد كده و هتأثر على حياته فى المستقبل
ولو عاوزين تعرفوا اي تفاصيل عن عملية الخصية المعلقة عند الاطفال تقدروا تتواصلوا معانا من خلال الواتساب 01022814973
الخصية المعلقة هي حالة منتشرة نسبيًا بين الأطفال حديثي الولادة، وبتحتاج تدخل طبي علشان تتعالج.
علشان الخصية تقدر تقوم بوظيفتها، لازم تكون في كيس الصفن اللي حرارته أقل من حرارة الجسم. لو فضلت برا مكانها، ده ممكن يسبب مشاكل في الخصوبة، القدرة الجنسية، والبلوغ.
العملية بسيطة وآمنة جدًا خصوصًا لو اتعملت على إيد جراح أطفال متخصص، ومخاطرها أقل بكتير من أضرار ترك الحالة من غير علاج.