دعنا نساعدك!
المهندسين , زهراء المعادي
مصر الجديدة
مزيد حول طرق التواصل!
نسبة نجاح عملية الفتق الاربي عند الاطفال
عملية الفتق الاربي من أهم العمليات الجراحية للاطفال وحديثي الولادة ¸ ودا لان الهدف الاول والاخير من العملية هو إنقاذ حياة طفلك من خطورة ومضاعفات الفتق الاربي , لكن عملية الفتق الاربي من ابسط واسهل العمليات .
وعشان تتأكدي من سهولة وبساطة العملية , تعالي نعرف اي خطوات عملية الفتق الاربي :
- أول خطوة في العملية هي التخدير وبيكون تخدير استنشاقي , ومتقلقش تخدير طفلك هيكون مع دكتور متخصص في تخدير الأطفال .
- بعد كدا هنعمل جرح صغير حوالي 1 او1 ونص سم , وأحنا بنستخدم مكبر في العملية عشان نقدر نشوف كل شيء بوضوح
- , وعشان كمان كيس الفتق بيكون لازق جنب الحبل المنوي اللي بيغذي الخصية , وطبعا احنا هدفنا نحافظ علي الحبل المنوي دا .
- وبعد ما بنفصل كيس الفتق عند الحبل المنوي , بنتأكد ان كيس الفتق مفهوش أمعاء ولو فيه أمعاء وسليمه بنرجعها بهدوء لمكانها في تجويف البطن
- واهم خطوة في عملية الفتق الاربي , هو اننا لازم نشيل كيس الفتق الاربي كله بعد ما نربطه , ودا عشان الفتق ميرجعش تاني للطفل بعد العملية.
- واخر خطوة في العملية بنقفل الجرح بغرز تجميلية بتدوب لوحدها بعد فتره , ومش بتكون ظاهره ولا بتسيب اي اثر بعد كدا ,أكن الطفل معملش اي عملية
- ومتقلقيش مش هيحس باي الم اول ما يفوق , لاننا هنحقن مكان العملية بالمخدر عشان لما الطفل يفوق ميتألمش .
- ومدة العملية مش كبيرة خالص , مدتها كلها نص ساعه من اول خطوه التخدير لحد ما الطفل يفوق بالسلامة .
- ومتشليش الهم طفلك مش هيفضل في المستشفي , بعد العملية بساعة هتقدري تاخديه معاكي البيت , يأكل ويشرب ويلعب ويتشقي براحته.
في الفيديو هنا تقدري تشوفي العملية اكنك معانا جوا اوضه العمليات وتطمني أكتر
ليه بنعمل عملية الفتق الاربي لطفلك ؟
علشان طفلك من حقه انه يعيش حياة هادية وامنه بدون اي خطورة او مضاعفات ممكن تهدد حياته , والفتق الاربي خطورته كبيرة جدا علي حياة طفلك حتي لو متحولش الي فتق اربي مختنق , فوجوده في جسم طفلك هيضره في اي وقت , لكن العملية سهله جدا طالما مع دكتور متخصص في جراحة الاطفال .
نسبه نجاح عملية الفتق الاربي عند طفلك ؟
عملية الفتق الاربي ليها نسب نجاح كبيرة بتوصل ل 95% , وطبعا النسبه دي بتعتمد علي كفاءة جراح الاطفال اللي هنعمل عنده العملية وطبعا لازم يكون مع جراح اطفال مش اي تخصص تاني .
لأن العملية لو مع حد مش متخصص ممكن يحصل مضاعفات خطيرة لطفلك زي :
- ان ممكن الغير متخصص ميشلش كيس الفتق كله , وبكدا هيرجع الفتق الاربي تاني لطفلك وهتعملي عملية تاني
- وكمان ممكن وهو بيشيل كيس الفتق ممكن يلمس الحبل المنوي والشعيرات الدموية ويأثر علي خصية طفلك
- ولو في امعاء في كيس الفتق ممكن ميعرفش يرجعها مكانها او يعملها اصابه ومشكله تانيه
- دا غير انه ممكن يعمل للطفل خصية غير معلقة وهو بيصلح الفتق الاربي
وتقدري تفهمي أكتر من الفيديو ليه لازم عملية الفتق الاربي تتعمل مع جراح أطفال
تكلفه عملية الفتق الاربي لطفلك :
تكلفة العملية بتحدد علي حاله الفتق الاربي عند طفلك , هل هو فتق مزدوج ولا مختنق ولا فتق مرتجع , وكمان هنعمل عملية الفتق الاربي بالجراحة ولا المنظار , في عوامل كتير بيتحدد علي اساسها تكلفة العملية , بس الاهم من تكلفة العملية , هو أننا نختار الافضل والامن لاطفالنا .