إحجز موعد

الفتق الإربي عند الأطفال والرضع

الرئيسية المدونة >  ​​​الفتق الإربي عند الأطفال والرضع  
الفتق الإربي عند الأطفال والرضع

الفتق الإربي عند الأطفال والرضع

ناس كتير اول م بتسمع كلمه فتق بتقول , ده طفل عمره ايام , يعنى مستحيل يكون شال حاجه تقيله علشان يجيله فتق
بس فى الحقيقه الفتق اللى هنتكلم عنه النهارده ,واحد من الإختلافات الخلقية اللى بتيجى للأطفال , و بيتولدوا بيها
اسمه الفتق الإربي

عباره عن ايه الفتق الإربي ده؟

ده بيكون عباره عن ورم شبه البالونه او الكولكيعه, و بيكون موجود فى المنطقه الإربيه, و المنطقه الإربيه دى مكانها بيكون أعلى الفخذ و اسفل البطن
و الفتق الإربى ده عاده بيحصل اكتر على الناحيه اليمين من القناه الإربيه ، لكن ممكن يحصل برضوا على الناحيه الشمال او على الناحيتين 

طيب احنا إزاى نقدر نلاحظ الفتق الإربى؟

 ختان الأطفال بجهاز الجومكو

الفتق الإربى اول حد يقدر يلاحظه هى الأم , لأن زى م قولنا ان الفتق الإربى بيظهر على شكل ورم او كولكيعه ومكان الورم بالتحديد بيكون مكان لازقه البامبرز
و مش بس كده , ده العياط و الحذق و الكحه بيخلوا الورم ده يظهر و يبان اكتر
و ممكن نلاجظ ان الورم او الكلكيعه دى بدأت تقل مجرد م الطفل يهدى او يكون نايم , لكن مش بيختفى 

طيب هو الفتق الإربى ده ليه سن معين بيظهر فيه؟

فى الحقيقه الفتق الإربى بيظهر فى الأطفال من اول عمر يوم لحد عمر سنين, لكن الإختلاف كله بيكون فى الوقت اللى بيظهر فيه الفتق الإربى

طيب المفروض نعمل ايه لما نلاحظ الورم او الكولكيعه دى؟

  1. اول حاجه لازم نعملها لو لاحظنا الورم ده عند البيبى اننا نفحصه عند جراح أطفال متخصص
  2. انى حاجه جراح الأطفال هيحدد إذا كان اللى عند الطفل ده فتق إربى ولا قيله مائيه و علشان تعرفوا الفرف بينهم ، اسمعوا الفيديو ده :

و فى الحاله دى بيكون عندنا إحتمال من اتنين :

  • ان الطفل يكون عنده قيله مائيه ، و دى مش حاجه خطيره و بنستنى على علاجها لحد سنه و نص او سنتين من عمر الطفل
  • - او ان الطفل يكون عنده فتق إربى ، و فى الحاله دى علاج الفتق الإربى لازم يكون عمليه

و تعالوا نعرف تفاصيل أكتر عن عمليه الفتق الإربى فى الفيديو ده:

الفتق الإربى من الحاجات اللى مينفعش نستنى على علاجها ، علشان ممكن تأثر على حياه أطفالنا لاقدر الله
ربنا يحمى و يحفظ كل أطفالكوا