أهمية علاج الخصية المعلقة عند الأطفال

طفلك اتولد بخصية واحدة , وكشفتي عليه عند دكتور جراحة اطفال , وعرفتي ان عنده إختلاف خلقي اسمه الخصية المعلقة , والدكتور قالك انها ممكن تنزل في خلال 6 شهور من عمر الطفل , لكن لو عدي 6 شهور ومنزلتش ساعتها لازم نعمل عملية الخصية المعلقه ضروري جدا , بس انتي شايفه انه مش مشكله لو مفيش خصية من الخصيتين موجوده , طالما الطفل عنده خصية تانية فممكن تكون بديل ليها , وطبعا دا كلام وتفكير غلط جدا
و علشان نعرف ليه بنقول ان علاج الخصية المعلقة مهم،لازم نفهم ايه أهمية الخصية فجسم الطفل

الخصية مهمه جدا عشان ليها وظيفيتين مهمين جدا في جسم طفلك  

الوظيفة الأولى وهي أن الخصية تنتج هرمون الذكورة ( هرمون التستوستيرون ) , ودا الهرمون المسؤول عن نمو الطفل في مرحلة البلوغ اللي هي من عمر 9 سنين ل 15 سنه , وفي الوقت دا بتلاحظي ان طفلك كبر فجأه , وكمان العضو الذكري والخصيتين كبروا , والطفل بقي راجل .
وهرمون الذكورة دا له وظيفة تانية وهي الرغبة الجنسية , ودا معناه انه هو المسؤول عن إحساس الطفل في المستقبل بالرغبة الجنسية
و كمان الخصية بتنتج من هرمون الذكورة من 90 % ل 95% , ودا طبعا رقم كبير جدا , بس عشان تقوم الخصية بالوظيفة دي لازم تشغل 500 مليون خليه عشان تنتج هرمون الذكورة , كده فهمنا اول وظيفة للخصية مع بعض 

اما الوظيفة التانية للخصية هو إنتاج ملايين الحيوانات المنوية , ودا طبعا عشان الطفل لما يكبر يقدر يخلف فلازم الخصية تكون بتنتج الحيوانات المنوية علشان تقدر تخصب البويضة ويحصل حمل

و يجى هنا فى بال كتير من الأمهات سؤال مهم وهو :  

هو لو في خصيه واحده هتكون كفايه , ومش لازم ننزل الخصية المعلقة ؟

الاجابه اكيد لا , لان الخصيتين مهمين مع بعض وبيكملوا بعض , لأن إنتاج خصية واحدة من هرمون الذكورة وإنتاج الحيوانات المنوية هيكون اقل من إنتاج الخصيتين مع بعض فطبعا ده هيأثر على مستقبل طفلك
دا غير ان لو خلاص منزلناش الخصية المعلقة , فممكن لا قدر الله الطفل يحصله أي إصابة ويخسر الخصية الوحيدة اللي عنده ويبقي كده معندوش ولا خصية وكمان معندوش فرصه في الإنجاب
والاهم من كل ده ان اكيد ربنا خلق كل شيء لسبب وهو خلق خصيتين مش خصيه واحده بس عشان الاتنين مع بعض مهمين
فاكيد انتي مش هتحبي تعرضي طفلك لأي مضاعفات ولا تأثري على سلامته وصحته

و علشان تعرفوا اكتر عن أهميه وجود الخصيه فى كيس الصفن، علشان كده بنقول إننا لازم نعالجها
تعالوا نسمع الفيديو ده مع بعض : 

, ومتقلقيش عملية الخصية المعلقة عملية بسيطة وسهلة طالما كانت مع دكتور متخصص في جراحة الأطفال
ربنا يحمي و يحفظ كل أطفالكوا