ازاي اعرف ان ابني عنده خصيه معلقه

تعملى ايه لو فى يوم بعد ما ربنا رزقك بولد جميل , و جايه تغيريله فى البيت لقيتى كيس الصفن بتاعه فاضى و الخصية مش موجوده؟ الحاله دى عند الأطفال بنسميها الخصية المعلقة ,و الخصيه المعلقه دى معناها : ان خصية واحدة او الخصيتين مش موجودين فى كيس الصفن

طيب هل الخصيه دى مهمه جدا عند طفلك و لازم تتعالج لو كان فيها مشكلة؟

• ايوه طبعا مهمه لأن, الخصية : دى وظيفتها انها تنتج و تخزن الحيوانات المنوية , علشان وظيفه الحيوانات المنويه دى لما الطفل يكبر انها تخصب البويضة فى عنق الرحم و يحصل حمل
• تانى وظيفه من وظايف الخصية انها بتنتج حوالى من 90-95% من هرمون التستوستيرون , هرمون التستوستيرون ده مسئول عن ظهور صفات البلوغ عند الأطفال الذكور لما يكبروا

والخصية علشان تقوم بكل الوظايف دى لازم تكون موجوده فى درجة حرارة أقل من درجة حرارة الجسم بدرجتين ,
علشان كده ربنا خلق كيس الصفن ده درجه حرارته اقل من درجة حرارة الجسم بدرجتين علشان الخصية تكون موجوده فيه  

طيب إزاى اعرف إذا كان طفلى عنده خصيه معلقه ولا لا ؟

1. عن طريق حاجه اسمها سونار رباعى الأبعاد 4d و ده بنعمله للأم و هى حامل و ممكن نعرف منه إذا كان الطفل عنده خصيه معلقه ولا لا
2. نقدر نعرف ان الطفل عنده خصيه معلقه ولا لا , من خلال فحص الدكتور للطفل بعد الولاده
3. ووكمان ممكن نعرف من خلال فحص الأم نفسها للطفل و هى بتغيرله

طبعا بعد ما عرفنا إزاى نقدر نعرف الخصية المعلقة, تعالوا نعرف ليه أصلا الخصية المعلقة ممكن تحصل للأطفال:

1. لو كان الطفل مولود بدرى , ده ممكن يسبب خصيه معلقه
2. لو الأم و هى حامل اتعرضت لمواد كيميائية أو مبيدات حشرية , ده برضو ممكن يسبب خصيه معلقه
3. لو الطفل كان مولود وزنه قليل ( اقل من كيلو)
4. و لو الأم كانت مدخنة او وزنها زياده , ده برضو ممكن يخلى الطفل يتولد عنده خصيه معلقه

و دلوقتى تعالوا نعرف الخصيه المعلقه دى ممكن تكون موجوده فين:

1. اول احتمال عندنا أن الطفل يكون مولود بخصيه واحده بس و الخصيه التانيه متكونش اتكونت أصلا
2. تانى احتمال وهو ان الخصيه لسه موجوده جوه تجويف البطن, و دى بنسميها خصيه معلقه غير محسوسة
3. تالت احتمال وهو ان الخصية وهى نازله من تجويف البطن لكيس الصفن اتعطلت فى القناه الإربيه
4. و دى بنسميها خصيه معلقه محسوسة

وا تعرفوا تفاصيل عن الميعاد المناسب لعملية الخصية المعلقة من خلال مشاهدة الفيديو دا مع دكتور محمد علام

والخصيه المعلقه مفيش منها اى خطورة على الطفل , طول ما اكتشفناها و شخصناها بدرى , علشان نقدر نعالجها فى الوقت المناسب
بس الأهم اننا اول مانلاحظ اى حاجه غريبه على طفلنا ، لازم نفحصه عند جراح أطفال متخصص ، علشان يقولنا ايه انسب إجراء ناخده مع الطفل
وتقدر
ولو عندكم اي استفسار عن عملية الخصية المعلقة عند الاطفال تقدروا تتواصلوا معانا من خلال الواتساب 01270149973