الوحمات الدموية عند الأطفال

الوحمة الدموية دي عبارة عن تجمع غير طبيعي للأوعية الدموية تحت الجلد، وبتظهر على شكل بقعة حمرا أو بنفسجية. ساعات بتكون صغيرة وساعات بتكبر، وبتظهر غالبًا من أول أسبوع بعد الولادة، أو حتى من أول يوم.

و خلينا نبدأ بأول حاجه وهى :  

• شكلها بيبقى زي بقعة حمرا أو بنفسجية، ممكن تكون بارزة شوية أو مسطحة.
• بتبان في أي مكان في جسم الطفل، لكن أكتر الأماكن الشائعة: الوش، الرقبة، الظهر، أو الأطراف.
• بعض الوحمات بتكبر بسرعة خلال أول 6 شهور
• ممكن يحصل فيها تغير في اللون أو الملمس، وساعات تبقى ناعمة وساعات خشنة شوية.
• في حالات نادرة، ممكن تنزف أو تلتهب، خصوصًا لو الطفل خربشها أو خبطها.

و بعد ماعرفنا أعراض الوحمات الدمويه ، تعالوا نعرف :

الموضوع لسه مش مفهوم 100%، بس الأطباء بيقولوا إن السبب ممكن يكون:

• خلل مؤقت في نمو الأوعية الدموية أثناء الحمل.
• تأثيرات هرمونية على الجنين أثناء الحمل.
• ساعات بتكون وراثية، يعني لو في حد في العيلة كان عنده وحمة دموية، ممكن الطفل يطلع له بردو.

و فى بعض الثقافات بتقول ان الوحمه ممكن تطلع للطفل لو الأم كان نفسها فى حاجه معينه اثناء الحمل و متحققتش او مكلتهاش ده ممكن يطلع على شكل وحمه فى جسم الطفل

1- الوحمه الوعائيه :

• لونها بيكون ازرق او بنفسجى غامق، لأن الأوعية الدموية بتكون أعمق تحت الجلد.
• الوحمات من النوع ده بتكبر بالتدريج وممكن تحتاج لتدخل جراحى لو كانت بتأثر على وظايف الجسم (مثلا لو كانت قريبة من العين أو الأنف).

2- الوحمه السطحيه :

الوحمه السطحيه لونها بيكون احمر سواء غامق او فاتح
و الوحميه السطحيه بنلاقيها بارزه شويه عن الجلد ، و دى هنلاقيها بتنمو بسرعه فى السنه الأولى من عمر الطفل و بعد كده هنلاقيها بتقل بالتدريج

3- وحمه السالمونيلا :

و دى لونها بيكون احمر فاتح اوى مايل للون البمبى
و بتكون موجوده و غالبا بتكون موجوده اخر الرقبه او بين العنين
و غالبا بتختفى لوحدها فى اول كام سنه من عمر الطفل

o  هل الوحمة الدموية خطيرة؟ 

في الغالب لأ، لكن محتاجة متابعة، علشان: 

• لو كبرت بسرعة ممكن تضغط على أعضاء زي العين أو الفم.
• لو حصل فيها التهاب أو نزيف.
• لو أثرت على نفسية الطفل لما يكبر بسبب شكلها.

الملاحظة والمتابعة بس:
لو الوحمة مش بتسبب أي مشكلة، الدكتور بيتابعها كل فترة.
العلاج بالأدوية
دواء بيقلل نمو الأوعية الدموية في الوحمة.
بيتاخد عن طريق الفم أو بيتحط كدهان.
لازم يتاخد تحت إشراف دكتور، وبيتعمل تحليل للقلب قبل الاستخدام.
العلاج بالليزر:
فعال في حالة الوحمات السطحية
بيخفف اللون، وبيحسن شكل الجلد.
التدخل الجراحي:
نادر، بس ممكن في الحالات الكبيرة أو اللي بتضغط على أعضاء مهمة.
علاج تجميلي:
أوقات الأطفال بيحتاجوا علاج تجميلي بعد ما الوحمة تختفي علشان تحسين شكل الجلد. 

• ممكن تكبر وتتشوه أكتر.
• تعمل خراج أو قرحة لو حصل فيها التهاب.
• تنزف بسهولة لو الطفل خبطها.
• لو على العين ممكن تأثر على النظر.
• ولو في مكان ظاهر جدًا، ممكن تأثر على نفسية الطفل وتخليه يتكسف أو يحس بالإحراج وسط صحابه.

• الوحمة الدموية في الغالب مش خطر، بس لازم متابعة.
• مش كل الوحمات بتحتاج علاج.
• كل حالة وليها طريقة مناسبة حسب نوع الوحمة ومكانها وحجمها.
• دايمًا استشيري دكتور جراحه أطفال علشان يقولك ايه انسب إجراء ناخده مع الطفل

ربنا يحمى و يحفظ كل أطفالكوا