زراعة المرئ عند الأطفال

كتير مننا بيسمع ان فى أطفال بتتولد مجتاجه حاجه اسمها زراعه مرئ ، طيب هو ايه المرئ ده أصلا؟

المرئ هو الأنبوب اللي بيربط بين البق( الفم) والمعدة، وده اللي بيخلينا نبلع الأكل ويوصل للمعدة.
لكن في بعض الأطفال بيتولدوا بمشكلة في المرئ، زي إنه ما يكونش مكتمل، أو مسدود، أو فيه إختلاف خلقي اسمه "رتق المرئ" (يعني جزء من المرئ مش متوصل ببعضه)، وفي الحالات دي الطفل ما بيقدرش يبلع كويس أو الأكل بيدخل في مكان غلط.
و بعد ما عرفنا وظيفه المرئ ده ايه ، تعالوا نعرف :

• لو الطفل اتولد بـ اختلاف خلقي كبير في المرئ.
• لو حصل تلف في المرئ بسب ان الطفل ممكن يكون بلع ماده كاويه
• أو لو حصل انسداد مزمن أو ضيق شديد في المرئ
• و فى بعض الحالات النادره لو الطفل كان عنده سرطان فى المرئ

بعد ما عرفنا امتى الطفل ممكن يحتاج زراعه مرئ تعالوا نعرف

العملية معقدة شوية وبتحتاج فريق جراحي متخصص. فيه كذا طريقة للجراحة، وأشهرهم:

1- استخدام جزء من القولون أو الأمعاء
بياخدوا جزء من القولون أو الأمعاء الدقيقة ويشبّكوه مكان المرئ علشان يوصل البُق بالمعدة.

2- Gastric tube :
و دى عباره عن انبوبه من المعده بنستخدمها فى زراعه المرئ

3- سحب المعدة لفوق (Gastric Pull-up)
بيسحبوا جزء من المعدة ويشبكوه مكان المرئ.
الطريقة اللي بيختاروها بتعتمد على حالة الطفل، عمره، وحجم المشكلة.

4- . تقنية الـ Foker (فوكر
دي طريقة حديثة، بيحاولوا يطولوا طرفي المرئ بالتدريج في حضّانة لحد ما يقدروا يوصلوهم ببعض، وده أحسن من إنهم يزرعوا حاجة تانية. 

العملية ممكن تاخد من 3 ـ ل 6 ساعات، حسب نوعها وتعقيد الحالة.
بعد العملية:
الطفل ممكن يقعد فترة في المستشفى للمتابعة والتغذية عن طريق أنبوب
بيتابع مع دكتور تخاطب أو تغذية علشان يتعلم يبلع كويس تاني.
ممكن يحتاج جلسات علاج طبيعي لو فيه صعوبة في الأكل أو النفس. 

عمليه زرع المرئ زى اى عمليه جراحيه ممكن ينـج عنها شويه مضاعفات زى :

• ممكن نلاقى الطفل عنده صعوبه فى البلع
• و ممكن الطفل يحصله حاجه اسمها ارتجاع مرئ
• ممكن يحصل ضيق فى المرئ و يحتاج لتوسيعات بإنتظام

كل الملاحظات دى منقلقش منها ، و الأهم اننا لو لاحظنا اى حاجه منها على الطفل لازم ناخد الطفل عند جراح أطفال متخصص

1. اول حاجه لازم نبعد الطفل عن اى اكل ممكن يهيج المعده زى الأكل الحراق
2. تانى حاجه بنبدأ نأكل الطفل بكميات صغيره علشان منضغطش على جهازه الهضمى مره واحده
3. يفضل اننا فى اول فتره ندى الطفل كميه كبيره من السوائل مع الأكل علشان نسهل عليه عمليه البلع

في أغلب الحالات، آه، الطفل ممكن يعيش حياة شبه طبيعية، بس بيحتاج متابعة مستمرة لفترة، وخصوصًا أول سنة بعد العملية. ومع التقدم الطبي، الحالات دي بقت بتتعالج كويس جدًا.

و فى النهايه خلينا نقول ان عمليه زراعه المرئ عمليه بتحتاج دقه عاليه جدا و لازم نعملها مع جراح أطفال متخصص
علشان نضمن احسن نتيجه لأطفالنا
ربنا يحمى و يحفظ كل أطفالنا