تأثير الخصيه المعلقه على القدره الجنسيه و الإنجابيه عند الأطفال

الخصيه المعلقه من الإختلافات الخلقيه, اللى كتير من الأهالى ممكن ميعرفوش هى إزاى ممكن تأثر على القدره الجنسيه و الإنجابيه للطفل لما يكبر ,
و علشان نفهم اكتر ليه ده ممكن يحصل ,
تعالوا نعرف الأول يعنى ايه خصيه معلقه عند الأطفال:
بكل بساطه الخصيه المعلقه معناها ان فى واحده من الخصيتين , او الخصيتين الإتنين مش موجودين فى كيس الصفن 

مفيش سبب محدد هو المسؤول عن الخصية المعلقة عند الاطفال لكن في عوامل بتزيد من فرصه ان الطفل يتولد عنده خصيه معلقه زي

• لو الطفل اتولد قبل ميعاده
• لو الطفل اتولد وزنه قليل ( وزنه أقل من كيلو)
• لو الأم اتعرضت لمبيدات حشريه
• اذا كانت الأم بتعانى من السمنه او السكر

عندنا طريقتين نقدر نعرف بيهم إذا كان الطفل عنده خصيه معلقه ولا لا:

1. عن طريق الفحص السريرى أو المبدأى للطفل ..ساعتها الدكتور بيكتشف ان كيس الصفن فاضى او حجمه اصغر من الطبيعى
2. تشخيص بالمنظار فى حاله اذا كانت الخصيه غير محسوسه

وانتي كماما تقدري تكتشفي ان البيبي عنده خصيه معلقة انك هتلاحظي ان كيس الصفن فاضي مفهوش خصية لما تفحصيه بايدك

و دلوقتى بعد م عرفنا ايه هى الخصيه المعلقه و اسبابها و ازاى نعرفها, يجى هنا سؤال مهم 

فى الحقيقه إحنا بنستنى على علاج الخصيه المعلقه لحد ما عمر الطفل يكمل 6 شهور, لأن بيكون فى إحتمال ان الخصيه ممكن تنزل خلال ال 6 شهور , طيب لو الخصيه منزلتش , هنعمل ايه؟؟
فى الحاله دى لازم نعمل للطفل عمليه , و العمليه بتختلف من طفل للتانى حسب نوع الخصيه المعلقه اللى عند الطفل
و لو حابين تعرفوا اكتر عن انواع الخصيه المعلقه تعالوا نسمع الفيديو ده مع بعض:  

و خلونا نقول ان للأسف فى أهالى بتقرر تأجل عمليه الخصيه المعلقه لأطفالها أكتر من 6 شهور, و ميعرفوش ان ده هيأثر على حياه طفلهم فى المستقبل , و تأجيل العمليه ممكن يأثر على قدره ابنهم الإنجابيه فى المستقبل

• لأن الخصيه المفروض تكون موجوده جوه كيس الصفن , لأنها بتحتاج درجه حراره أقل من درجه حراره الجسم بدرجتين علشان تقدر تنتج و تخزن الحيوانات المنويه, و كيس الصفن درجه حرارته أقل من درجه حراره الجسم
• ف الخصيه لو فضلت موجوده فى القناه الإربيه هيحصلها ضمور و مش هتنتج حيوانات منويه, لأنها موجوده فى مكان درجه حرارته عاليه
• و بالتالى ده هيعمل مشاكل فى الخصوبه للطفل ده لما يكبر , لأنه هيكون فقد خصيه من الخصيتين و هو صغير ,و قدره انتاج و تخزين الحيوانات المنويه اللى وظيفتها تخصيب البويضه فى عنق الرحم لشخص عنده خصيه واحده أكيد مش هتتساوى بشخص عنده خصيتين

و خلونا نوضح حاجه مهمه,

ان مش معنى كلامنا ان الأطفال اللى مولودين بخصيه واحده ميقدروش يخلفوا, لا يقدروا يخلفوا لكن بنسبه أقل
من الأطفال اللى عندها خصيتين
و إحنا دايما بنحط إحتمالات ان الخصيه الموجوده ممكن يكون فيها مشكله , او يحصلها أى ضرر يمنع الطفل انه يخلف خالص
علشان كده بنقول ان الطفل لازم يعمل عمليه الخصيه المعلقه , لو الخصيه منزلتش خلال ال 6 شهور اللى قولنا عليهم
و علشان نعرف أنسب ميعاد لعمليه الخصيه المعلقه ، تعالوا نسمع الفيديو ده مع بعض:  

المهم انك لما تكتشفي ان طفلك عنده خصيه معلقة لازم تعملي العملية في معادها المناسب ولازم عند دكتور جراحة اطفال عشان تضمني نجاح العملية