هل الخصية المعلقة عند الاطفال تؤثر على الانجاب

الخصيه المعلقه من الاختلافات الخلقية اللى للأسف لو متعالجتش ممكن تأثر على قدرة الطفل الجنسيه و الإنجابيه لما يكبر
لأن زى م قولنا قبل كده الخصيه المعلقه دى بتكون عباره عن :
ان خصيه واحده من الخصيتين و فى بعض الحالات الخصيتين بيكونوا مش موجودين فى مكانهم الطبيعى اللى هو كيس الصفن
و قولنا ان الخصيه المعلقه دى بتحصل بسبب : 

1. لو الطفل اتولد وزنه قليل ( وزنه أقل من كيلو)
2. لو الأم اتعرضت لمبيدات حشرية او اى مواد كيميائية أثناء فترة الحمل
3. اذا كانت الأم بتعانى من السمنه اوالسكر
4. لو الطفل اتولد قبل ميعاده

و علشان نقدر نقول ليه الخصية المعلقة بتأثر على الإنجاب , يبقى فى الأول لازم نعرف الخصيه دى وظيفيتها ايه:

• الخصية : دى وظيفتها انها تنتج و تخزن الحيوانات المنوية , علشان وظيفه الحيوانات المنويه دى لما الطفل يكبر انها تخصب البويضه فى عنق الرحم و تكون جنين و بالتالى يحصل حمل
• تانى وظيفه من وظايف الخصية انها بتنتج حوالى من 90-95% من هرمون التستوستيرون , هرمون التستوستيرون ده مسئول عن ظهور صفات البلوغ عند الأطفال الذكور لما يكبروا

و علشان الخصية تقدر تقوم بدورها , لازم تكون موجوده فى درجة حرارة اقل من درجة حرارة الجسم بدرجتين
و المكان الوحيد اللى درجة حرارته أقل من درجة حرارة الجسم , هو كيس الصفن
و إ حنا قولنا ان الخصيه المعلقه دى , ممكن تكون موجوده فى ا: 

• القناه الإربيه
• او فى تجويف البطن
• او ممكن تكون متكونتش أصلا

و بسبب ان الخصيه مش موجوده فى مكانها الطبيعى , فبالتالى ده هيأثر على :

• اول حاجه ده هيعمل حاجه اسمها ضمور للخصيه, و بالتالى الخصيه مش هتقدر تنتج و تخزن حيوانات منويه , و ده هيعمل للطفل مشاكل فى الخصوبة لما يكبر لأنه هيكون فقد خصية من الخصيتين و هو صغير ,و طبعا قدره انتاج و تخزين الحيوانات المنويه اللى قولنا ان وظيفتها تخصيب البويضه فى عنق الرحم لشخص عنده خصيه واحده أكيد مش هتتساوى بشخص عنده خصيتين
• تانى حاجه هتحصل بسبب عدم وجود الخصيه فى مكانها, هى ان الطفل ده هيكون عنده مشكله فى البلوغ لما يكبر

لأن زى م قولنا ان الخصيه بتنتج من 90-95% من هرمون التستوستيرون , و هرمون التستوستيرون ده مسئول عن التغيرات اللى بتحصل فى الجسم اثناء فتره البلوغ زى:

• ظهور شعر الوجه و الجسم
• نمو القضيب و الخصيتين
• و كمان هرمون التستوستيرون بيعمل على نو و زياده الحيوانات المنويه
• و بيزود الرغبه الجنسيه عند الرجال

كل المشاكل دى نقدر نتجنبها , لو خدنا قرار العمليه فى الوقت ىالمناسب و مع جراح اطفال مناسب
وتقدروا تعرفوا تفاصيل اكتر عن مضاعفات الخصية المعلقة عند الاطفال مع دكتور محمد علام من الفيديو دا