ما هي أسباب العضو المدفون عند الأطفال

ما هو العضو المدفون عند الأطفال؟

العضو المدفون هو لما يكون العضو الذكري عند الطفل مش ظاهر بشكل طبيعي، كأنه مستخبي جوا الجلد، رغم إن طوله الطبيعي ممكن يكون موجود تحت الجلد، لكن مش باين كويس من بره. ساعات الأهل يفتكروا إن الطفل مولود بعضو صغير جدا أو إن في مشكلة خلقية كبيرة، لكن الحقيقة إن في كتير من الحالات، العضو موجود بالحجم الطبيعي، بس متغطي بالجلد أو الدهون.
و دلوقتى بعد ماعرفنا ايه هو العضو المدفون عند الأطفال ، تعالوا نعرف : 

ما الأسباب الخِلقية للعضو المدفون؟

في أسباب الطفل بيتولد بيها، مش بسبب أي حاجة حصلت بعد كده، زي:

• · ان يكون فى التصاق بين جلد الخصيه و بين جلد العضو الذكرى
• · او ان الطفل يكون حصله مشكله فى الأربطه المسئوله عن انها تشد جلد العضو الذكرى
• · و اخر سبب هو ان الطفل يكون عنده تليف فى عضلات العضو الذكرى و بالتالى العضو الذكرى مش مشدود و فيه نسبه إندفان

كده خلصنا الأسباب الخلقيه اللى ممكن يكون الطفل مولود بيها و مسبباله عضو مدفون ، تعالوا دلوقتى نتكلم عن

الأسباب المكتسبه :

• · لو الطفل كان عنده نسبه كبيره من دهون العانه ، ساعتها الدهون دى هتكون سبب فى العضو المدفون
• · تانى حاجه لو قصينا جلده طهاره أقل من المطلوب ، ساعتها الجلد هيدارى العضو الذكرى و هيسبب للطفل عضو مدفون و،ساعات الدكتور بيطلب من الأهل يعملوا تمارين بسيطة زي سحب الجلد لورا عشان يساعدوا يتجنبوا ان الطفل يحصله عضو مدفون و ده بننصح بيه أكتر بعد طهاره الأطفال
• · او لو كان الطفل عنده قيله مائيه او فتق إربى و حجمهم كبير فى الحاله دى ممكن يأثروا على الطفل و يسببوله عضو مدفون

و بعد ماعرفنا الاسباب الخلقيه و المكتسبه للعضو المدفون ، تعالوا نعرف :

كيف تؤثر السمنة على ظهور العضو المدفون؟

السمنة، خصوصًا عند الأطفال، من أكتر الأسباب اللي بتخلي العضو الذكرى يبان مدفون:

• الدهون اللي بتتراكم حوالين العانة بتزق العضو لتحت، فميبقاش ظاهر.
• ساعات في أطفال وزنهم زيادة جدًا، بنلاقي العضو مش باين خالص، لكن لو ضغطنا على الجلد أو الدهون، نلاقيه موجود تحت.

وده معناه اننا لو فحصنا الطفل و جراح الأطفال قالنا ان الطفل محتاج نظام غذائى بس علشان العضو الذكرى للطفل يظهر بشكل طبيعى
و خلونا دلوقتى نعرف حاجه مهمه من الحاجات اللى بتشغل بال كتير من الأهالى و هى : 

ما دور الختان غير المتقن في حدوث العضو المدفون؟

الختان المفروض يتعمل بحرص شديد جدا و عند جراح أطفال متخصص لأنه لو اتعمل بشكل غير دقيق، ممكن يسبب:

• لو قصينا الجلد أكتر من اللازم: ده بيخلي العضو ينسحب لتحت الجلد و فى الحاله دى العضو الذكرى مش هيلاقى جلد يغطيه لما يتمدد و ده ممكن يسبب نسبه إنحناء للعضو الذكرى
• لو سيبنا جلد كتير حوالين العضو: الجلد الزياده ده ممكن يغطى العضو الذكرى للطفل و يعمله عضو مدفون

و دلوقتى تعالوا نعرف دلوقتى :

هل يمكن أن يسبب تورم كيس الصفن العضو المدفون؟

أيوه، في حالات بيكون فيها:

• تورم في كيس الصفن (زي في حالات الفتق الإربى أو القيلة المائية)، و نتيجة التورم ده ممكن العضو الذكرى للطفل يدخل لجوه.

فعلشان كده دايما بنقول ان مهم نروح لجراح أطفال متخصص لو لاحظنا ان في تورم لإن ممكن نكون بنتعامل مع أكتر من مشكلة في نفس الوقت.
و دلوقتى تعالوا نعرف : 

ما تأثير العوامل الوراثية والهرمونية؟

أحيانًا بيكون في:

• وراثه في العيلة : يعنى يكون حد من أهل الطفل كان عنده عضو مدفون قبل كده ، و ده ممكن يكون السبب فى ان الطفل اتولد عنده عضو مدفون
• مشاكل في إفراز هرمون الذكورة (التستوستيرون): فى الحاله دى دكتور جراحه الأطفال بيعرض الطفل على دكتور غدد أطفال علشان يحدد اللازم و محتاجين نسحب تحاليل ولا لا

و دلوقتى تعالوا نجاوب على أكتر سؤال بيشغل بال كل أب و أم ، و هو :

هل يمكن أن يتحسن العضو المدفون مع النمو؟

في أغلب الحالات، العضو المدفون عند الطفل بيتحسن :

• لما الطفل يكبر، الجلد يتمدد ويتغير شكله.
• لو الطفل وزنه قل،و الدهون حوالين العضو بتقل والعضو بيظهر أكتر.

و أخر حاجه لازم الأهل يعرفوها :

متى يجب استشارة الطبيب؟

لو لقينا ان :

• العضو مش باين خالص حتى مع الضغط على الجلد.
• العضو اختفى بعد الختان أو بقى باين أقل من الأول.
• او لو لاحظنا ان فى ورم فى الخصيه مغطى على العضو الذكرى للطفل

ساعتها لازم نفحص الطفل عند جراح أطفال متخصص ، علشان يشخص الطفل ، و يقولنا ايه أنسب خطه علاج للطفل
ربنا يحمى و يحفظ كل أطفالكوا