انسداد فتحة الشرج عند الأطفال وحديثي الولادة

فيه بعض الأطفال بيتولدوا بإختلاف خلقى اسمه "انسداد فتحة الشرج"، وده معناه إن الطفل مش قادر يخرج البراز بشكل طبيعي بعد الولادة، وده طبعًا بيكون حاجة خطيرة لو ما اتلحقتش بسرعة.

يعني الطفل ممكن يتولد من غير فتحة شرج خالص، أو يكون فيه فتحة بس مش في مكانها الطبيعي، أو تكون موجودة بس مسدودة ومش بتمرر البراز. وده بيخلي البراز يتراكم في بطن الطفل، ويسبب له مشاكل صحية كبيرة.

و عاده انسداد فتحه الشرج ده مش بيصاب بيه الأطفال غير من الأسبوع الخامس للأسبوع السابع من الحمل 

لو الطفل لسه مولود، وفيه واحدة أو أكتر من العلامات دي، لازم ناخد بالنا:

1. ان الدكتور اول ما بيفحص الطفل بعد الولاده مش بيلاقى شرج
2. الطفل ما بيعملش براز خلال أول 24 او 48 ساعة من بعد الولادة.
3. بطنه منفوخة ومشدودة.
4. بيرجع كتير بعد الرضاعة.
5. بيعيط بشكل متكرر من غير سبب واضح.
6. ممكن البراز يخرج من أماكن غير طبيعية زي مجرى البول أو المهبل (وده بيكون نتيجة فتحة غلط بين الأعضاء).
7. الطفل ممكن يبان عليه إنه تعبان أو مرهق من أول يوم.

انسداد فتحة الشرج بيحصل بسبب إن فتحة الشرج ما تكونتش كويس في فترة الحمل، وغالبًا بيحصل أثناء تكوين الجنين في الأسبوع الخامس للأسبوع السابع من الحمل، وأسبابه ممكن تكون:

• ضيق فى فتحه الشرج ، و ممكن تكون فتحه الشرج مش موجوده اصلا
• و ممكن يحصل انسداد لفتحه الشرج لو المستقيم مش متوصل بالقولون ، و دى بتكون جزء من بعض الأمراض اللى بتكون موجوده فى الأطفال حديثى الولاده اللى ممكن يكون معاها انسداد فى المرئ او انسداد فى الشرج ،مع مشاكل فى الكلى
• او لو كان فى فتحات تانيه للمستقيم غير فتحه الشرج

العلاج بيكون جراحي، حسب نوع الحالة:

• ممكن يكون على عمليه واحده لو فتحه الشرج لو فتحه الشرج قريبه من الجلد
• و ساعات فى حالات تانيه لو الطفل معندوش فتحه شرج اصلا بنحتاج نعمل فيها 3 عمليات و دى بتحدد على حسب رأى جراح الأطفال و الأشعه و الفحوصات اللازمه

لو ما اتعالجش بسرعة، ممكن يحصل مشاكل كبيرة زى :

• ثقب فى الأمعاء او إنفجار فى الأمعاء بالذات لو فى انسداد كامل فى الشرج
• تراكم البراز جوه جسم الطفل يسبب تسمم أو التهابات.
• انتفاخ شديد في البطن ممكن يأثر على باقي الأعضاء.
• مشاكل في المثانة أو الكلى.
• مشاكل نفسية وسلوكية مع الوقت بسبب فقدان التحكم في الإخراج.
• ممكن كمان تأثر على نمو الطفل وتطوره لو استمرت لفترة طويلة.

علشان لما بنيجى نصلح إنسداد الشرج بنحتاج أجهزه معينه و دقيقه جدا
و علشان لما نصلح الشرج يتحط فى مكان فيه عضلات للتحكم ، فلو حد مش متخصص هو اللى عمل العمليه ده ممكن يأثر على عضلات التحكم و ساعتها الطفل هيعانى من مشكله فى التحكم لما يكبر بعد كده

تانى حاجه اننا قبل مانعمل العمليه لازم نتأكد اننا لاقدر الله معندناش اى مشاكل صحيه زى مشاكل فى القلب او الكلى

علشان كده بنقول لو لقيتي إن طفلك ما بيخرجش براز بعد الولادة أو في علامات غريبة زي الانتفاخ أو الترجيع المستمر، لازم تروحي لدكتور جراحه أطفال فورا ، علشان . كل ما اتشخصت الحالة بدري، كل ما كان العلاج أسهل والنتائج أحسن.