دعنا نساعدك!
المهندسين , زهراء المعادي
مصر الجديدة
مزيد حول طرق التواصل!
عمليه الخصيه المعلقه للأطفال
من حق كل أب و أم انهم يطمنوا على طفلهم و يعرفوا و يسألوا عن تفاصيل عمليه طفلهم
لأن صعب على أى اب و ام انهم يستحملوا فكره ان طفلهم هيدخل عمليات و هو سنه صغيره كده
و علشان احنا دورنا اننا نطمنكوا , ف هنتكلم فى كل حاجه تخص عملية الخصية المعلقة بالتفصيل
و أول حاجه بتيجى فى بال كتير من الأهالى، هى عمليه الخصيه المعلقه خطيره؟
فى الحقيقه عمليه الخصيه المعلقه مفيش منها اى خطوره على الطفل , لو اتعملت مع جراح أطفال متخصص
و علشان تطمنوا اكتر , تعالوا نتكلم شويه عن تفاصيل العمليه :
- اول حاجه ان اللى بيخدر الطفل بيكون دكتور متخصص فى تخدير الأطفال
- تانى خطوه دى بتكون على حسب هنعمل عملية الخصية المعلقة جراحه ولا منظار
و خلينا نبدأ بأول حاجه لو هنعمل العمليه جراحه:
- اول حاجه بنفتح 1cm فى المنطقه الإربيه ..و الدكتور بيكون لابس نظاره مكبره علشان نشوف الخصيه و الوعاء الناقل بصوره اكبر علشان ميحصلش اذى للأوعيه اللى بتغذى الخصيه
- و بعد كده الدكتور بيبدأ يعمل تسليك للخصيه من الأنسجه اللى حواليها
- و بعد كده بنعمل إطاله للحبل المنوى
- و اخر حاجه بنعملها اننا بنعمل محفظه فى كيس الصفن علشان نثبت فيها الخصيه .
ياترى عرفنا نطمنكوا ولا لسه ؟
طيب لو هنعمل عمليه الخصيه المعلقه بالمنظار ، ايه اللى هيحصل فيها؟
- اول حاجه احنا بنستخدم المنظار الجراحى علشان نعرف الخصية أصلا موجوده ولا لا لأن المنظار ده بيكون عبارة عن انبوبه رفيعه أخرها متوصل بيه كاميرا صغيره علشان نقدر نشوف جوه تجويف البطن
- لو كانت الخصيه مش موجوده يبقى الطفل مولود بخصيه واحده بس
- لكن لو كانت الخصيه موجوده، ساعتها الدكتور بيبدأ يحدد مكانها فين بالظبط
- و بعد كده بيعملها عمليه تسليك و إطاله للحبل المنوي و بعدين يثبتها فى كيس الصفن
طيب و وقت العمليه بيكون حوالى قد ايه؟
وقت العمليه بيكون حوالى ساعه ، من اول م دكتور التخدير يخدر الطفل ، لحد م الطفل يفوق بعد العمليه
و الطفل مش بيقعد فى المستشفى اكتر من يوم واحد و بعد كده بيروح البيت بالسلامه
و السؤال اللى بيشغل بالكوا دايما ، هى نسبه نجاح العمليه بتكون قد ايه؟
نسبه نجاح عمليه الخصيه المعلقه بتعدى ال 95 % ، و نسبه النجاح العاليه دى ، بتعتمد على إختيار جراح متخصص بعد فضل الله سبحانه و تعالى بس علشان نكمل نجاح العمليه للأخر لازم العملية تكون مع دكتور جراحة اطفال يكون عنده خبره كفايه بعمليات الخصية المعلقة واكيد لازم تشخيص الصح لنوع الخصية المعلقة محسوسة ولا غير محسوسة
متقلقيش عملية الخصية المعلقة بسيطة ومهمه لانها هتحمي طفلك من اي مشاكل ممكن تأثر علي قدرته علي الانجاب في المستقبل