الخصية المعلقة عند الاطفال

الخصية المعلقة هى اختلاف خلقى بيتولد بيه اكتر من 300 طفل يوميا ، يعنى نفهم من كده انه من الاختلافات الخلقيه المنتشره جدا بين الاطفال حديثى الولاده 
و الخصية المعلقة معناها ببساطه ان خصيه و احيانا الخصيتين مش بيكونوا موجودين فى مكانهم الطبيعى وهو كيس الصفن ، و كيس الصفن ده بيكون موجود تحت العضو الذكري

 عشان نفهم كويس  يعنى اى الخصية مش موجوده فى كيس الصفن ، خلونا نعرف ان الخصيتين و الجنين لسه بيتكون فى بطن امه بيكونوا موجودين فى البطن ورا الكلى و فى نهاية الشهر السابع من الحمل بيكون نمو الخصيتين اكتمل ، و بيبدأو ينزلو من البطن لكيس الصفن عن طريق قناه اسمها القناه الاربيه ، و مع ولاده الطفل الطبيعى ان الخصيتين يكونوا نزلو لكيس الصفن . 

فى حالة ان فى خصيه مش موجوده فى كيس الصفن فأحنا بيكون قدمنا احتمالين

اننا نتاكد ان الطفل عنده خصية معلقة ده ليه اكتر من طريقة  :  

1. عن طريق سونار بتعمله الام خلال فترة الحمل اسمه سونار 4D ، و ده بنقدر نكتشف بيه بعض الاختلافات الخلقية لو موجوده عند الطفل و اللى منها الخصية المعلقة
2. تانى طريقة نقدر نتاكد بيها لو الطفل عنده خصية معلقة وهى الفحص اللى بيعمله دكتور الاطفال اول الطفل ما يتولد
   
3. و اخيرا الام نفسها تقدر انها تميز بسهوله لو طفلها عنده خصية معلقة ، لانها لو بصت على كيس الصفن و فحصته ، هتلاحظ ان كيس الصفن فيه ناحية اكبر من ناحية ، و الناحية اللى منزلتش فيها الخصية هتكون فاضيه لو ضغطت الام عليها مش هتحس تحت ايدها بالخصية
   

1. ان الطفل يكون مولود بدرى عن معاده
2. لو الطفل كان وزنه اقل من كيلو
3. او ان الام خلال فترة الحمل تكون اتعرضت لمبيدات حشريه ، ده ممكن يزود من فرصة ان الطفل يتولد بخصية معلقة
4. و لو الام كانت مدخنه او عندها مرض السكر او زياده كبيره فى الوزن ، كل دى عوامل ممكن تكون السبب فى ان الطفل يتولد و عنده خصية معلقة

الاجابه طبعا اه ، و هنا عشان نعرف قد اى مهم اننا نعالج الخصية المعلقة ، خلونا نعرف اى اهميه الخصية اصلا للطفل

الخصية دى هى اللى بتنتج هرمون اسمه هرمون الذكوره ، و كمان بتنتج الحيوانات المنويه ، و الحاجتين دول هما المسؤولين عن الخصوبه و القدره الجنسيه عند الطفل لما يكبر ، و عشان الخصية تقدر انها تنتج هرمون الذكوره و الحيوانات المنويه لازم تكون فى درجة حرارة اقل من درجة حرارة الجسم بدرجتين عشان كده ربنا خلقلها كيس الصفن اللى بتنزل فيه قبل الولاده ، و كيس الصفن ده هو اللى بيحافظ على درجة حرارة الخصية ،و لكن لو الخصية مانزلتش فى كيس الصفن و فضلت فى البطن او فى القناه الاربيه ده هيعرضها لدرجة حرارة عاليه ، و ده هيخلى الخصية متقدرش تقوم بوظيفتها ، و لو فضلت فى البطن لفتره طويله هيبدأ يحصلها ضمور ،
و بكده الطفل هيكون عنده خصية واحده و ده ممكن يقلل من قدرته الجنسية او قدرته على الانجاب لما يكبر ، ده غير ان لو الخصية فضلت فى البطن و منزلنهاش ده ممكن يعرض الطفل لمشاكل تانيه كتير جدا زى انه يحصله فتق اربي او التواء فى الخصية او لاقدر الله ممكن يصاب بسرطان فى الخصية ، فايه اللى يخلينا نوصل اطفالنا لكده  

فى البدايه احنا مش بنبدأ نعالج الخصية المعلقة غير لما الطفل بيوصل لعمر 6 شهور ، لان خلال الوقت ده بيكون لسه قدامنا فرصة ان الخصية تنزل لوحدها من غير اى علاج ، لكن لو الطفل وصل لعمر 6 شهور و الخصية مانزلتش ، لازم منستناش اكتر من كده عشان نلحق الخصية قبل ما يحصلها ضمور و نفحص الطفل عند دكتور جراحة اطفال ، عشان نتأكد اذا كانت الخصية المعلقة من النوع المحسوس ولا من النوع الغير محسوس و نبدأ نحدد هنعالجها ازاى .

فلو لقينا ان الخصية المعلقة من النوع المحسوس ، هنا بنحتاج لعمليه بسيطة جدا عشان ننزل بيها الخصية لكيس الصفن ، وكل اللى بنعمله فتحة صغيره جدا فى المنطقة الاربيه عشان نوصل للخصية ، و بعد كده بنزلها فى كيس الصفن و بنبدأ اننا نثبتها فيه ، و بعدين بنقل الجرح بخيط تجميلى عشان مايسبش اثر بعد ما الجرح يلتئم

اما لو لقينا ان الخصية اللى عند الطفل من النوع الغير محسوس ، وقتها لازم فى الاول نعمل للطفل منظار استكشافى ، و ده اجراء بسيط جدا بنعرف بيه هل الخصية موجوده فى البطن ولا متخلقتش اصلا

و هنا لو لقينا الخصية موجوده فى البطن ، وقتها بنحتاج اننا نعمل عمليه بسيطة جدا بجرح صغير فى المنطقه الاربيه ، و بنبدأ الاول نعمل حاجة اسمها تطويل للخصية بالمنظار ، و بعد كده بنبدأ اننا ننزلها فى كيس الصفن و نثبتها فيه

لكن لو بعد الاستكشاف لقينا الخصية اللى منزلتش فى كيس الصفن مش متخلقة ، و قتها مش بيكون فى اى اجراء بنعمله ، لان الخصية مش موجوده اصلا ، و هنا الطفل هيكون عنده خصيه واحده  
تقدروا تعرفوا كل المعلومات عن الخصية المعلقة من الفيديو دا

1. لازم الام تهتم بالادويه و ان الطفل يكون بياخدها بأنتظام 
2. لازم الام تهتم بتنظيف الجرح و تعقيمه ،و ان مكان العمليه يكون نضيف على طول خصوصا انه فى منطقة سهل ان الجرح فيها يتلوث
3. لازم نحاول اننا نبعد اى مايه عن الجرح و يفضل ان الطفل مايستحماش فى اول 5 ايام بعد العمليه 
4. لازم الام تاخد بالها لو الطفل بعد العمليه ماقدرش انه يعمل حمام لازم ترجع للدكتور اللى عمل العمليه 

ودلوقتى بعد ما عرفنا كل حاجة عن الخصية المعلقة ، خلونا نعرف حاجة اخيره مهمه ان فى حاجة اسمها الخصية النطاطة أو الخصية ذات الحبل المنوى القصير ، و دول مختلفين خالص عن الخصية المعلقة و لو عاوزين تعرفوا معلومات اكتر عنهم من خلال مقال
الفرق بين الخصية النطاطة وذات الحبل المنوي القصير عند الاطفال