أعراض و أسباب الخصية المعلقة عند الأطفال و الرضع

الخصيه المعلقه , من الإختلافات الخلقيه المنتشره بين الأطفال الذكور حديثى الولاده, و كتير من الأباء و الأمهات بيكونوا مش عارفين يعرفوا إزاى ان طفلهم عنده خصيه معلقه ولا الطفل مولود كويس و سليم؟
فتعالوا نتكلم مع بعض اكتر عن الخصيه المعلقه 

الخصيه المعلقه دى عباره عن:

ان خصيه واحده من الخصيتين و فى بعض الحالات الخصيتين بيكونوا مش موجودين فى مكانهم الطبيعى اللى هو كيس الصفن

و خلونا نوضح دور الخصيه و كيس الصفن فى الأطفال الذكور بيكون ايه:
الخصيه:عباره عن عضو شكله بيضاوى دوره انه ينتج و يخزن الحيوانات المنويه
و مسئول انه ينتج هرمون التستوستيرون فى الذكور ...و بيكون محفوظ جوه كيس من الجلد اسمه كيس الصفن
بيعمل ايه كيس الصفن ده؟ 

بيحافظ على درجه حراره الخصيه انها تكون اقل من درجه حراره الجسم الطبيعيه بدرجتين ( درجه حراره الجسم 37 و درجه حراره الخصيه بتكون 35)..ليه؟
علشان الحيوانات المنويه بتحتاج درجه حراره بارده علشان تنتج الحيوانات المنويه بشكل طبيعى علشان كده كيس الصفن بيكيف نفسه حسب درجه حراره الجسم علشان الخصيه تقدر تنتج الحيوانات المنويه بشكل طبيعى 

فى الحقيقه , مفيش سبب محدد نقدر نقول عليه هو السبب فى حدوث الخصيه المعلقه, بس فى عوامل لو كانت موجوده ممكن تسبب حدوث الخصيه المعلقه للأطفال زى :

1. لو الطفل اتولد قبل ميعاده
2. لو الطفل اتولد وزنه قليل 
3. لو الأم اتعرضت لمبيدات حشريه
4. اذا كانت الأم بتعانى من السمنه او السكر 

و علشان نفهم اكتر ليه الخصيه المعلقه ممكن تحصل للأطفال، تعالوا نسمع الفيديو ده مع بعض : 

و علشان نجاوب على السؤال ده محتاجين نعرف حاجه مهمه و هى :
الخصيتين فى الأطفال الذكور بيتكونوا فى البطن ورا الكليه و هو لسه جنين , و فى الشهر السابع بيبدأوا ينزلوا من البطن لكيس الصفن عن طريق ممر او انبوبه اسمها القناه الإربيه
و ساعتها بيكون عندنا 3 إحتماللات لمكان الخصيه 

1. اول احتمال ان الخصيه تكون متكونتش اصلا , و ساعتها الطفل هيكون مولود بخصيه واحده بس ,و دى بنقدر نعرفها لما الدكتور يعمل استكشاف عن طريق المنظار الجراحى
2. تانى احتمال و هو ان الخصيه تكون لسه موجوده فى البطن , و دى برضوا بنعرفها عن طريق المنظار الجراحى
3. تالت احتمال , و هو ان الخصيه تكون اتعطلت فى القناه الإربيه و هى بتنزل لكيس الصفن, و دى الدكتور بيقدر يعرفها بالفحص الاإكلنيكى للطفل

طيب دلوقتى بعد م عرفنا ايه الإحتمالات او الأماكن اللى ممكن تكون الخصيه موجوده فيها, خلينا دلوقتى نعرف انتى كأم تقدرى تعرفى إزاى طفلك عنده خصيه معلقه ولا لا: 

1. اول طريقه اننا نعمل سونار اسمه سونار رباعى الأبعاد ( 4d) و ده بيكون عباره عن سونار بنعمله للجنين و هو فى بطن الأم علشان يكشفلنا لو فى اى عيوب خلقيه فى الطفل
2. تانى طريقه نكتشفها بيها الخصيه المعلقه عند الأطفال, هى الفحص الإكلنيكى للطفل اللى الدكتور بيعمله اول م الطفل يتولد
3. اخر طريقه و هى ملاحظه الأم نفسها ان كيس الصفن عند طفلها فاضى, او كيس شكله مختلف عن التانى 
   

و دلوقتى السؤال اللى عليه الدور , ايه هو علاج الخصيه المعلقه؟
بس فى الحقيقه علاج الخصيه المعلقه بيختلف على حسب نوع الخصيه المعلقه اللى عند الطفل
و علشان نفهم اكتر عن أنواع الخصيه المعلقه ، من االمقال ده أي أنواع الخصيه المعلقة عند الأطفال وأي طرق علاجها ؟  

و تعالوا نسمع اكتر عن انواع الخصيه المعلقه :

لو كان طفلك عنده خصيه معلقه لازم تكشفي في اسرع وقت وتعملي العملية في معادها المناسب ومع دكتور جراحه اطفال وعنده خبرة كفايه في عمليات الخصية المعلقة