أفضل طرق ختان الأطفال الذكور

ختان الأطفال الذكور من العمليات اللي بتمر بيها أغلب العائلات في مجتماعنا ، بس مش كل الناس بتكون عارفة إن في أكتر من طريقة لطهارة أطفالهم , والطرق بتختلف علي حسب الأدوات المستخدمة في الطهارة , في طرق تقليدية زي مقص العضم والمشرط الطبي ودي طرق غير آمنة , وفي طرق حديثة زي الحلقة البلاستيكية وجهاز الجومكو ويعتبروا أفضل طريقة تطاهري بيها طفلك بأمان , وتعالوا نعرف أكتر عنهم عشان الأهل يقدروا يختاروا الأنسب والآمن لطفلهم.

نبدء بالختان بالحلقة البلاستيكية (Plastibell) 

فكره الختان بالحلقة البلاستيكية بتعتمد على استخدام حلقة بلاستيكية صغيرة بمقاسات تناسب كل عضو، بتركب حوالين رأس العضو وتفصل الجلد الزايد اللي هيتم إزالته عن باقي العضو .
وبعد كده، بيتم ربط خيط حوالين الحلقة عشان يمنع وصول الدم للجلد الزايد، وده بيخلي الجلد يموت ويقع مع الحلقة بعد فترة.  

خلينا عارفين أن التخدير والتعقيم اول واهم خطوتين سواء الختان بالحلقة البلاستيكية او بجهاز الجومكو

لازم الدكتور يكون معقم الأدوات كويس جدا قبل الطهارة

وطبعا الطفل لازم يكون تحت التخدير , ونوع التخدير بيكون علي حسب عمر الطفل يعني لو كان أقل من 3شهور بيكون ببنج موضعي لكن لو أكبر من 3 شهور لازم بنج إستنشاقي وطبعا فايدة التخدير أن الطفل ميحسش بأي الم وقت الطهارة ولا بعدها .

بعد ما الدكتور بيعقم الادوات وبيخدر الطفل بيبدء بخطوات الطهارة بالحلقة البلاستيكية :  

• اولا بيحدد حجم الحلقة البلاستيكية المناسب للعضو. 
  
• والحلقة بتتحط حوالين رأس العضو، والقلفة (الجلد الزائد) بتتقطع فوق الحلقة. 
  
• بيستخدم خيط لربط الحلقة علي العضو الذكري
• الحلقة بتفضل موجودة لفترة بسيطة لحد ما الجلد يلتئم من نفسه، وبتقع لوحدها في خلال 7 ل 10 أيام  
  

جهاز الجومكو (Gomco Clamp) 

الجومكو هو من أفضل وأمن أدوات طهارة الأطفال الذكور , طب هو عباره عن اي او بيتكون من اي ؟
هو عبارة عن جزئين :

جزء شبه القمع او الجرس ودا بيكون بمقاسات مختلفة عشان تناسب حجم العضو عند كل طفل ودا له أهمية كبيرة جدا لأنه بيتحط علي رأس العضو الذكري عشان يحميها من اي خدش وقت الطهارة

والجزء تاني بنستخدمه عشان نثبت العضو بشكل كويس وقت الطهارة , و نحدد الجلد الي المفروض هنشيله
وطبعا الجزء دا بيساعد بشكل كبير جدا انه يطلع شكل جمالي طبيعي للعضو .
طب أحنا عرفنا هنطاهر الطفل بالحلقة البلاستيكية ازاي , تعالوا نعرف هنطاهره بجهاز الجومكو ازاي ؟
طبعا زي ما قولنا التعقيم والتخدير أولا   

• الدكتور بيثبت الطفل علي سرير صغير مخصص للطهارة عشان يقلل من حركة الطفل وتكون الطهارة سهله وناجحه  
  
• وبعد كدا بيحط الجرس المعدني علي رأس العضو الذكري ويشد الجلد الزيادة عليه 
  
• ويستخدم الجزء التاني عشان يثبت بيه العضو كويس جدا قبل ما نشيل الجلد
• بعد ما يخلص تركيب الجهاز، الدكتور بيقص الجلد الزايد باستخدام الكي الحراري عشان دا بيمنع حدوث اي نزيف وممكن باي أداة جراحية تانية زي المشرط والدياثرمي ثنائي القطب .  
  

لأن في الطهارة بالحلقة البلاستيكية 

• العملية بتكون أسرع من الجراحة العادية. 
  
• مش بتحتاج غرز (خياطة)، وده بيقلل من الألم اللي بيحس بيه الطفل ويقلل من المضاعفات زي النزيف. 
  
• فترة التعافي عادةً بتكون أسرع
• ومفيش غرز تفكيها بعد العملية لأن الحلقة بتقع لوحدها. 
  

و دلوقتى بعد م عرفنا مميزات الختان بالحلقه البلاستيكيه ، تعالوا نعرف ليه جراحين الأطفال بيفضلوا استخدام جهاز الجومكو فى الطهاره
و ده طبعا لأن جهاز الجومكو له مميزات كتير زي : 

• الأمان والسرعة: الطهارة بالجومكو بتكون سريعة جداً مقارنة ببعض الطرق التانيةفي خلال 10 دقائق والطهارة بتخلص
• مفيش نزيف: الجهاز مصمم عشان يقلل النزيف بشكل كبير أثناء العملية
• نتيجة تجميلية ممتازة: الجومكو بيقدم نتيجة دقيقة جدا في قص الجلد وده بيساعد في منع اي مشاكل تجميلية بعد العملية  
  

و علشان تعرفوا كتر عن مميزات جهاز الجومكو ، تعالوا نسمع الفيديو ده مع دكتور محمد علام

سواء اختارتي تطاهري طفلك بالحلقة البلاستيكية أو جهاز الجومكو، المهم إنك تختاري دكتور متخصص في جراحة الأطفال
ويكون عنده متابعة لحالة الطفل بعد الطهارة وكمان تقدري تتواصلي معاه بسهولة لو حصل اي مضاعفات للطفل
وطبعا الأهم من أختيارك لطرق الطهارة هو انك تتأكدي أن الطفل معندوش اي مانع من موانع الطهارة

علشان تعرفى اكتر عن موانع الطهاره اقرأى مقال:
اعرف اي هي موانع الطهارة واي هو أفضل وقت للطهارة