ليه القيلة المائية ممكن تحصل لطفلك ؟

القيله المائيه من الإختلافات الخلقيه اللى ممكن تحصل نسبه كبيره من الأطفال حديثى الولاده
بس كتير من الأهالى بيكونوا مش عارفين القيه المائيه دى حاجه خطيره ولا لا ؟

فتعالوا نعرف القيله المائيه دى بتكون عباره عن ايه، و ليه القيله المائيه ممكن تحصل لطفلك أصلا؟

القيله المائيه دى بتكون عباره عن ورم او انتفاخ موجود فى المنطقه الإربيه ( و المنطقه دى بتكون فى أعلى الفخذ و أسفل البطن)وهنا كتير من الأهالى ممكن يتلغبطوا بين القيله المائيه و بين الفتق الإربى ، لأن الفتق الإربى برضوا بيكون عباره عن ورم او كولكيعه موجوده فى المنطقه الإربيه 
طيب و إزاى بنقدر نفرق إذا كان اللى عند الطفل ده فتق إربى ولا قيله مائيه ؟
فى الحقيقه اللى يقدر يفرق إذا كان ده فتق إربى ولا قيله مائيه هو جراح الأطفال المتخصص
و فى بعض الحالات النادره بنحتاج إننا نعمل سونار علشان نحدد ده فتق إربى ولا قيله مائيه

و لو عايزين اعرفوا معلومات  اكتر عن الفرق بين الفتق الإربى و القيله المائيه ، تعالوا نسمع الفيديو ده مع بعض  :

و بعد م عرفنا ايه هى القيله المائيه، تعالوا نعرف ليه القيله المائيه ممكن تحصل للأطفال؟و علشان نقدر نجاوب على السؤال ده ، محناجين نرجع للوقت اللى الطفل كان لسه فيه جنين، و بالذات وقت نزول الخصيتين لأن الخصيتين عند الجنين تكوينهم بيكون جوه تجويف البطن ، و بالتحديد ورا الكلى ، و فى نهايه الشهر السابع الخصيتين بيبدأوا ينزلوا من تجويف البطن لكيس الصفن عن طريق قناه شبه الممر او الأنبوبه كده اسمها القناه الأربيه 
و بعد م الخصيتين بينزلوا، الوضع الطبيعى ان القناه الإربيه بتتقفل بشكل تلقائى لأن دورها بيكون انتهى ،
لكن لو مدخل القناه الإربيه متقفلش و فضل مفتوح ، و الفتحه دى كانت أقل من 4 مم ، ساعتها الفتحه دى بتسمح بنزول جزء من المياه او السوايل الموجوده جوه تجويف البطن
و السوايل دى بتظهر على شكل الورم او الإنتفاخ اللى بنلاقيه

و السؤال اللى يجى فى بالنا دلوقتى ، طيب هى القيله المائيه دى ليها خطوره على الطفل؟فى الحقيقه القيله المائيه مفيش منها اى خطوره على الطفل ، و ممكن نستننى سنه و نص علشان نبدأ نعالج القيله المائيه
لأنها فى معظم الحالات بتروح لوحدها و مش بتحتاج أى تدخل جراحى

و لو عايزين تعرفوا معلومات أكتر عن القيله المائيه ، تعالوا نسمع الفيديو ده مع بعض :

و فى الأخرخلينا نقول ان مفيش أغلى من أولادنا علشان نحافظ عليهم و على صحتهم
ربنا يحمى و يحفظ كل أطفالنا