ايه هو انسداد المريء عند الأطفال حديثي الولادة؟

انسداد المرئ هو اختلاف خلقي و معناه ان الأنبوبه اللى بتنقل الأكل من الفم للمعده مش كامله او متوصله بالقصبه الهوائيه بدل المعده يعني الطفل بيتولد والمريء بتاعه مش متوصل بالمعدة زي الطبيعي.

المريء هو الأنبوب اللي بينقل الأكل من الفم للمعدة، لكن في الحالة دي بيكون مقطوع أو متوصل بالقصبة الهوائية بدل المعدة، وده بيخلي الطفل مش قادر يبلع اللبن أو حتى ريقه.

فيه شوية علامات بتخلي الدكتور أو الأم تشك إن في مشكلة:

• فيه لعاب كتير بيطلع من بقه على طول (مش طبيعي)
• الطفل بيرجع كتير أول ما يبدأ يرضع
• صعوبة في التنفس أو كحة جامدة وقت الرضاعة بسبب ان السوايل بتدخل فى القصبه الهوائيه
• الطفل مش بيقدر يبلع كويس
• بطنه ممكن تنتفخ شوية لو فيه وصلة للمعدة من القصبة الهوائية
• و ممكن نلاقى عنده التهاب شديد فى التنفس

و علشان نتأكد اكتر اذا كان الطفل مصاب بإنسداد مرئ ولا لا ممكن نعمل:
ممكن الدكتور بعد الولاده يفحص الطفل و يدخل أنبوبه بسيطه عن طريق الفم علشان يتأكد ان المرئ مكتمل، لكن فى الحاله دى بيكون فى مشكله فى تدخيل الأنبوبه
· اشعه على الصدر و البطن

بصراحة، لحد دلوقتي العلماء مش لاقيين سبب واضح، بس في الغالب بيكون نتيجة حاجة حصلت أثناء تكوّن الجنين في بطن الأم . ممكن كمان ييجي معاه عيوب خلقية تانية زي مشاكل في القلب أو الكلى أو العمود الفقري.

• جزء متصل بالفم وجزء متصل بالمعده وطالع منها ناسور متصل بالقصبه الهوائية
• جزء مسدود متصل بالفم وجزء مسدوم متصل بالمعده
• جزء المتصل بالفم والمتصل بالممعده الاتنين طالع منهم ناسور متصل بالقصبة الهوائية
• جزء مسدود متصل بالفم وفي ناسور متصل بالقصبه االهوائية وجزء متصل بالمعده

العلاج الأساسي بيكون عملية جراحية ( سواء بالمنظار او عن طريق الفتح الجراحى)
و ده بيكون على حسب حاله الطفل لأننا بنوصل طرفين المرئ ببعض و بنفصل الوصله اللى بين المرئ و القصبه الهوائيه
و ساعات بيضطروا يستنوا شوية لحد ما الطفل يكبر شوية أو يستخدموا تقنيات معينة تمد المريء.
بعد العملية، الطفل ممكن يحتاج رعاية خاصة شوية، زي أنبوبة تغذية ( فى حالات معينه)
أو متابعة في حضّانة لفترة قصيرة. 

لو المشكلة ما اتعالجتش بسرعة، ممكن الطفل يتعرض لمشاكل خطيرة زي:
اول و اهم حاجه ان حياه الطفل هتكون فى خطر  

• دخول اللبن أو اللعاب للرئة، وده يسبب التهاب رئوي خطير
• سوء تغذية لأن الطفل مش هيقدر يرضع
• مشاكل تنفس مستمرة
• في بعض الحالات الشديدة، ممكن للأسف الموضوع يوصل لمضاعفات تهدد حياة الطفل
• الجفاف علشان السوائل اللى الطفل بيفقدها بسبب الترجيع المستمر

و علشان كده دايما بنقول و بننصح كل أب و أم عندهم طفل ، انهم اول مايلاحظوا حاجه على طفلهم لازم يروحوا لجراح أطفال فورا علشان يقولنا ايه أفضل إجراء ناخده مع الطفل
و ربنا يحمى و يحفظ كل أطفالكوا