فتق الحجاب الحاجز عند الأطفال و حديثى الولاده

فتق الحجاب الحاجز عند حديثي الولادة هو مشكلة بتحصل للبيبي وهو لسه جوه بطن الأم وبتأثر على التنفس بعد الولادة بشكل كبير. و خلونا نشرح الموضوع بشكل أبسط

الحجاب الحاجز ده عضلة كبيرة موجودة بين الصدر والبطن، هي اللي بتفصل الرئتين عن البطن. لما بيحصل "فتق" في الحجاب الحاجز، ده معناه إن فيه فتحة مش طبيعية فيه، وده بيخلي أعضاء من البطن (زي المعدة أو الأمعاء أو الكبد) تطلع لفوق ناحية الصدر.

ده بيكون عباره عن نسيج بيفصل البطن عن الصدر ، و ليه دور كبير فى عمليه التنفس لأنه بينقبض و ينبسط فى عمليه الشهيق و الزفير ، فلو الحجاب الحاجز ده فيه ثقب او فتق هيأثر على التنفس

الفتق ده غالبًا بيكون من وقت تكوين الجنين في بطن الأم، يعني ده إختلاف خلقي مش بيحصل بعد الولادة، هو بيكون حصل من الأول بس بيبان بعد الولادة و ساعات بيبان اثناء فتره الحمل

فى الحقيقه فتق الحجاب الحاجز زى اى إختلاف خلقى الطفل ممكن يتولد بيه ، ملوش اى سبب محدد ، لكن فى عوامل لو اتوفرت ممكن تكون السبب فى ان الطفل يتولد عنده فتق فى الحجاب الحاجز زى :

• لو الأم كانت مدخنه او بتتناول كحوليات كتير فى فتره الحمل
• و كمان جواز الأقارب ممكن يأثر فى ان الطفل يتولد عنده إختلاف خلقى
• او لو الأم كانت حامل و سنها كبير ، ده برضوا من العوامل اللى بتأثر على ان الطفل يتولد عنده مشاكل خلقيه
• و اخر حاجه هى سوء تغذيه الأم اثناء فتره الحمل

• بسبب الفتحه الموجوده فى الحجاب الحاجز هنلاقى الأمعاء بتطلع من الفتحه دى لتجوزيف الصدر
• و بالتالى ده هيخلى المساحه الموجوده للرئتين قليله و ده هيأثر على نمو الرئتين و هيأثر على عمليه التنفس عند الطفل بصوره كبيره

ممكن نكتشفه قبل الولادة عن طريق:

• السونار (الألتراساوند-السونار رباعى الأبعاد ) وده ممكن يبين إن فيه أعضاء في الصدر مش في مكانها الطبيعي.

ولو متشافش قبل الولادة، ممكن يبان بعد الولادة على طول لما:

• البيبي يبقى نفسه ضعيف أو تعبان.
• أو الدكتور يسمع أصوات أمعاء في الصدر بدل ما يسمع أصوات التنفس
• او نلاقى فراغ مكان تجويف البطن نتيجه لوجود الأمعاء فى الصدر

أول حاجة لازم نعرفها:
فتق الحجاب الحاجز مش بيتعالج لوحده، ومافيش أدوية تقدر تقفله، فلازم تدخل جراحى 

• اول طريقه و هى الجراحه التقليديه : و ده بيكون عن طريق فتحه فى البطن علشان نوصل للفتق الموجود فى الحجاب الحاجز و نرجع المعده لمكانها الطبيعى و بعد كده بنقفل الفتق
• تانى طريقه و هى عمليه الحجاب الحاجز بالمنظار :و دى بتكون عباره عن اننا بندخل المنظار من الصدر او البطن لحد ما نوصل للمنطقه الموجود فيها الفتق اللى فى الحجاب الحاجز

و ده اللى بيحدده جراح الأطفال على حسب نوع الفتق اللى موجود فى الحجاب الحاجز هل هو فتق من الجزء الأمامى او اجزء الخلفى

اننا قبل العمليه لازم نطمن على حاله القلب و التنفس عند الطفل
لأن الطفل لو دخل العمليه و عنده مشكله فى القلب ده فيه خطوره على حياته ، فلازم لو الطفل عنده اى مشاكل الأول لازم نصلحها قبل العمليه
و بعد يومين او تلاته نقدر ندخله عمليات 

• اول حاجه هتحصل ان نمو رئتين الطفل مش هيكتمل و بالتالى ده هيأثر على التنفس
• تانى حاجه هنلاقى شكل القفص الصدرى متغير
• و ممكن الطفل بنسبه كبيره يجيله إرتجاع فى المرئ
• ممكن الطفل يتعرض لأى إصابه بأمراض القلب

علشان كده دايما بننصح اى اب و ام عرفوا ان طفلهم عنده فتق فى الحجاب الحاجز سواء و هو جنين او لما اتولد لازم يتابعوا مع جراح أطفال متخصص علشان يحط أنسب خطه للعلاج

ربنا يحمى و يحفظ كل أطفالكوا