ما هو جهاز الجومكو ؟

كتير من الأهالى لما ربنا بيرزقهم بولد , بعد م يطمنوا عليه , اول قرار بياخدوه انهم يطاهروه , بس بيكونوا قلقانين و خايفين الولد يتعب بعد الطهارة , علشان كده تعالوا نعرف مع بعض ايه احسن جهاز نقدر نطاهر بيه الطفل:

الطهاره دى عباره عن عمليه بسيطه بنشيل فيها الجلد الزياده اللى بيكون موجود حوالين رأس العضو الذكرى للطفل
طيب ليه بنشيل الجلده الزياده دى؟ 

• اول حاجه علشان تسهل على الطفل نظافه العضو الذكرى
• تانى حاجه علشان نقلل خطر الإصابه بسرطان القضيب
• و علشان نقلل الإلتهابات فى رأس العضو الذكرى

و علشان نضمن كل النتايج دى و احسن للطفل , فلازم نطاهر الطفل بجهاز يكون امن عليه ,

جهاز الجومكو ده بيكون متكون من قطعتين:

• اول قطعه هنلاقيها شبه الغطا او القمع ....و دى دورها انها تحمى رأس االعضو الذكرى من أى إصابه ممكن يتعرضلها...و مش بس كده ,ده بيكون فى منها مقاسات على حسب حجم العضو الذكرى لكل طفل
• تانى قطعه بتكون عباره عن جزء نثبت بيه العضو الذكرى علشان يسهل علينا قص الجلد.. و علشان نقيس بيها هنقص جلد قد ايه بالظبط

و جهاز الجومكو ده هو اختيار الجراحين الأول فى طهاره الاطفال, بسبب فوايده الكتير:

• اول حاجه علشان مش بيسبب نزيف ولا جرح للطفل
• و تانى حاجه , جهاز الجومكو بيخلينا نقدر نقص الجلد بشكل متساوى و ده بيدى شكل جمالى للعضو الذكرى يزود ثقه الطفل بنفسه لما يكبر , و دى حاجه مش موجوده فى أدوات الطهاره التقليديه
• و من اهم مميزات جهاز الجومكو انه بيحمى الطفل من ان يحصله سرعه قذف لما يكبر , و علشان نفهم إزاى ده بيحصل محتاجين نعرف ان العضو الذكرى للطفل بيتكون من طبقتين من الجلد:

• طبقه خارجيه
• و طبقه داخليه اسمها ميكوزا , الطبقه دى لازم سمكها ميقلش عن 2 مم و ميزدش عن 5 مم , علشان ميعملش سرعه قذف للطفل لما يكبر

ايوه الطفل بياخد بنج على حسب عمره:

• لو عمره لحد 3 شهور: بنخدره تخدير موضعى , عن طريق إننا نحقن العضو الذكرى للطفل بالمخدر
• لو الطفل عمره أكبر من 3 شهور: التخدير بيكون عن طريق بنج استنشاقى فى المستشفى و كمان بنحقن العضو الذكرى بمخدر موضعى

و بعد كده بيكون فى سرير مخصص علشان نقدر نثبت عليه الطفل ...من غير م نحتاج حد يثبته
و فى اخر خطوه بنستخدم القمع علشان نغطى بيه رأس العضو الذكرى ... و بنستخدم باقى الجهاز علشان يسهل علينا عمليه قص الجلد بشكل جميل و متساوى…  

و علشان تعرفوا اكتر عن جهاز الجومكو ، تعالزا نشوف الفيديو ده مع بعض :

• الكى الحرارى: و دى من احسن الطرق اللى جراحين الأطفال بتفضل استخدامها , لأنها بتلحم الجلد ببعضه و مش بتسبب اى نزيف للطفل , و مش بس كده ده بيدى شكل جمالى للعضو الذكرى لطفلك
• الدياثرمى ثنائى القطب
• المشرط

الطهاره عمليه بسيطه و سهله , لو اتعملت مع جراح أطفال متخصص ,و بأداه امنه على الطفل

ربنا يحمى و يحفظ كل أطفالكوا