الإختلافات الخلقية فى المنطقه الإربية عند الأطفال

أول و أهم حاجه بتشغل بال كتير من الأباء و الأمهات اول م ربنا يرزقهم بطفل ، هى انهم يطمنوا ان الطفل ده صحته كويسه ،
بس ساعات نسبه من الأطفال اللى بيكونوا لسه مولودين بيكون عندهم إختلافات خلقيه لو معالجناهاش ممكن تأثر على حياتهم لما يكبروا
علشان كده فى مقال النهارده , هنتكلم شوية عن الاختلافات الخلقية اللى ممكن تأثر على حياة أطفالكوا لما يكبروا لو متعالجتش و هما صغيرين 

الإحليل البولى السفلى: ببساطه الاحليل السفلى ده معناه ان فتحه مجرى البول عند الاطفال الذكور بتكون على الجانب السفلى من العضو الذكرى بدل من ان يكون على طرف العضو
و الإحليل السفلى من الإختلافات الخلقيه اللى بتأثر على حياه الطفل الجنسيه و الإنجابيه لما يكبر ,
لأنه بيأثر على عمليه الإنتصاب اثناء العلاقه الجنسيه لو الطفل معملش عمليه الإحليل السفلى و هو صغير, و لو حصلت العلاقه الجنسيه و حصل إنتصاب ف ده بيكون مؤلم جدا, و برضوا ممكن بعد ما يحصل انتصاب ميقدرش انه يخلف و ده بسبب,
...ان فتحه مجرى البول اللى بيخرج منها السائل المنوى المسئول عن عملية التخصيب مش موجودة فى مكانها الطبيعى ،

وساعتها الحيوان المنوى مش هيوصل بشكل سليم لعنق الرحم علشان يحصل تخصيب و بالتالى مش هيحصل حمل و ساعتها الموضوع علشان يتعالج , بيحتاج تقنيات عالية ومكلفة علشان يقدر يخلف
و لو حابين تعرفوا تفاصيل و معلومات اكتر عن الإحليل السفلى ، تعالوا نسمع الفيديو ده مع بعض :  

ده بيكون عبارة عن ورم شبه البالونه او الكلكيعه , بيكون موجود فى المنطقه الإربيه, و المنطقه الإربيه دى مكانها بيكون أعلى الفخد و اسفل البطن
طيب ليه بنقول ان الفتق الإربى ممكن يأثر على حياه الطفل؟
لأن الفتق ده ممكن يحصله حاجه اسمها اختناق : و ده ببساطه بيكون عباره عن ان جزء من الأمعاء اتحشر فى القناه بسبب ان مدخل القناه الإربيه ده فضل مفتوح بعد ما الخصية اتنقلت من البطن لكيس الصفن فى التلت الأخير من الحمل 

و نتيجه الإختناق ده ممكن يحصل حاجتين يأثروا على الطفل:

اول حاجه ان الإختناق ده ممكن يحصل بسببه غرغرينا فى الامعاء , و نضطر نستأصل جزء منها و لو اتأخرنا ممكن لاقدر الله تعمل تسمم دموى
تانى حاجه ممكن تحصل , ان بسبب ضغط الأمعاء على الوعاء الناقل اللى بيغذى الخصيه , ممكن الخصيه يحصلها ضمور و نضطر نستأصلها , و بالتالى الطفل هيفضل عايش بخصيه واحده , يعنى فرصته فى الإنجاب هتقل
و لو حابين تعرفوا اكتر عن الفتق الإربى ، تعالوا نسمع الفيديو ده مع بعض :  

بعد العملية الطفل ممكن يشرب السوائل ويأكل الأكلات اللينة زي الزبادي ,و بعد مرور ساعتين من العملية يبدأ ياكل بشكل طبيعي.

طبعا الأهتمام بالطفل بعد الطهارة بيساعد جدا في نجاح عملية الطهارة والطفل بيحس بالراحة أكتر وبيتعافي أسرع
عشان كدا لازم نتبع خطوات العناية بعد الطهارة كويس جدا ولو لاحظنا اي أعراض غير طبيعية لازم نتواصل فورا مع الدكتور  

و ده معناه ان فى خصيه من الخصيتين بتوع الطفل منزلتش فى كيس الصفن( مكان وجودها الطبيعى)
طيب ايه هى الأضرار اللى ممكن تسببها الخصيه المعلقه لو معالجنهاش؟ 

• ممكن تسبب سرطان للخصيه
• و مش بس كده , دى هتعمل مشاكل فى الخصوبه ، و هتأثر على القدره الجنسيه و الإنجابيه للطفل : علشان بنسبه كبيرة بيحصل انخفاض فى عدد الحيوانات المنويه المسئولة عن تخصيب البويضة فى عنق الرحم, و نتيجة لانخفاضها بيحدث مشاكل فى الإنجاب ممكن تؤدى للعقم
• التواء الخصيه: ده بيكون عباره عن التواء فى الحبل المنوى ( بيحتوى على اوعيه علشان يسهل مرور السائل المنوى و ينقل الدم للخصيه) , التواء الخصيه بيؤدى لإنقطاع الدم عن الخصيه و لو متعالجش ممكن يسبب فقدان نهائى للخصيه

و لو حابين تعرفوا اكتر عن الخصيه المعلقه عند الأطفال، تعالوا نسمع الفيديو ده مع بعض :

دى واحده من الإختلافات الخلقيه اللى بتكون فى الأطفال الذكور لما بيتولدوا و بيكون فيها العضو الذكرى مش باين او حته منه بس اللى باينه ( يعنى ممكن يكون مختفى بشكل كلى او جزئى)

ايه هى المشاكل او المضاعفات اللى ممكن تحصل بسبب العضو المدفون؟ 

• اول مشكله ان الطفل مش هيعرف يدخل الحمام بطريقه صح
• نتيجه ان البول بينزل على جسمه هيعمله عدوى و التهابات فى الجلد و كيس الصفن
• كمان الطفل ده هيكون عنده مشكله فى الإنتصاب لو معالجش العضو المدفون و ده بيكون ليه ضرر نفسى كبير على الطفل
• ممكن كمان نلاقى احمرار و التهاب فى رأس العضو

الإختلافات الخلقيه اللى أطفالنا بتتولد بيها ممكن تكون خطيره على حياتهم, بس الأخطر اننا نهملها و منعالجهاش لأن ساعتها ممكن تأثر على حياتهم و منقدرش نعالجها بعد كده
علشان كده دايما بنقول ان اول خطوه فى طريق العلاج هى اننا نفحص أطفالنا عند جراح أطفال متخصص
و ربنا يحمى و يحفظ كل أطفالكوا